Ravindranath Kumar – இன்னும் பாராளுமன்ற தேர்தலுக்கான முடிவே வெளியாகாத நிலையில் ஓ.பி.எஸ் மகன் ரவீந்திரநாத் குமாரின் பெயர் எம்.பி என கோவில் கல்வெட்டில் பதிக்கப்பட்டிருப்பது அதிர்ச்சியை ஏற்படுத்தியுள்ளது.

நடந்து முடிந்த மக்களவைத் தேர்தல் முடிவுகள் வருகிற 23ம் தேதி வெளியாகிறது. இதில் தேனி தொகுதியில் துணை முதல்வர் ஓ.பன்னீர் செல்வத்தின் மகன் ரவீந்திரநாத் குமார் போட்டியிட்டார். அவரை எதிர்த்து அமமுக சார்பில் தங்க தமிழ்ச்செல்வன் போட்டியிட்டார்.

இந்நிலையில், இன்னும் தேர்தல் முடிவுகளே வெளியாகாத நிலையில், தேனி மாவட்டத்தில் உள்ள குச்சனூரில் உள்ள காசி அன்னப்பூரணி ஆலயத்தில் நிறுவப்பட்ட ஒரு கல்வெட்டில், ஆலயத்திற்கு உதவி செய்தவர்களின் பெயர் பட்டியலில் ஓ.பி.எஸ்-ஸின் மகன் ரவீந்திரநாத் குமாரின் பெயர் அச்சடிக்கப்பட்டுள்ளது.

இந்த புகைப்படம் சமூக வலைத்தளங்களில் வைரலாக பரவி வருகிறது.