சென்னையில் ஒரு கோடி ரூபாய் ஓப்பனிங் வசூலை அள்ளிய ‘அறம்’

கோலிவுட் திரையுலகில் ஓப்பனிங் வசூலாக ஒரு கோடி ரூபாய்க்கும் மேலாக வசூல் ஆவது பெரிய ஸ்டார்களின் படங்களாக மட்டுமே இருந்துள்ளது. இதுவரை நாயகிக்கு முக்கியத்துவம் உள்ள எந்த படமும் ஒரு கோடி ரூபாய் ஓப்பனிங் வசூல் பெற்றிராத நிலையில் முதல் முறையாக சென்னையில் நயன்தாராவின் ‘அறம்’ திரைப்படம் ரூ.1 கோடிக்கும் மேல் ஓப்பனிங் வசூலை பெற்றுள்ளது.

இந்த படம் வெள்ளி, சனி, ஞாயிறு ஆகிய மூன்று நாட்களில் சென்னையில் மட்டும் ரூ.1,02,81,259 வசூல் செய்துள்ளது. சென்னை மட்டுமின்றி தமிழகத்தின் அனைத்து பகுதிகளிலும் இந்த படம் நல்ல வசூலை பெற்றுள்ளதால் படக்குழுவினர் உற்சாகத்தில் உள்ளனர்.

இந்த நிலையில் இதே தயாரிப்பு நிறுவனம் மீண்டும் நயன்தாரா நடிப்பில் ‘அறம் 2’ படத்தை தயாரிக்கவுள்ளதாகவும், இதுகுறித்த அறிவிப்பு மிக விரைவில் வெளியாகவுள்ளதாகவும் கூறப்படுகிறது.