பதறியடித்த ரஜினி! டெல்லியில் இருந்து வந்த போன்!

இன்று காலை நிருபர்களிடம் ஆவேசமாக காவி பற்றி பேசிய ரஜினி, வீட்டிற்கு சென்றதும் அடுத்த ஒரு மணி நேரத்தில் அவசர அவசரமாக அந்தர்பல்டி அடித்து தான் சொன்ன அதே கருத்தை மாற்றி, குழப்பி மீண்டும் பேட்டிக் கொடுத்தார்.
எனக்கும் திருவள்ளுவருக்கும் காவி சாயம் பூச முயற்சி நடக்கிறது அது நடக்காது. தம்மை பாஜக உறுப்பினராக நிறுவ முயற்சி நடக்க முயற்சி மேற்கொள்ளப்படுகிறது அது நடக்காது.  திருவள்ளுவருக்கு காவி அணி உடை அணிவித்தது அவர்களது தனிப்பட்ட விருப்பம். திருவள்ளுவருக்கு காவி பூசியது போல எனக்கும் காவி பூச பார்க்கிறார்கள்; திருவள்ளுவரும் மாட்ட மாட்டார், நானும் மாட்ட மாட்டேன் என்று காலையில் ஆவேசமாக பேசினார் ரஜினி.
பேட்டியளித்து விட்டு வீட்டுக்குள் சென்ற ரஜினிக்கு டெல்லி பாஜக தலைமையிடம் இருந்து போன் வந்துள்ளது. அரசியல் நிலைப்பாடு குறித்து முடிவெடுப்பது உங்கள் விருப்பம். அதற்காக பாஜகவை விமர்சிக்கும் வகையில் பேச வேண்டுமா?  உடனடியாக செய்தியாளர்களை சந்தித்து விளக்கமளியுங்கள் எனச் சொல்லப்பட்ட தகவலைக் கேட்டு, சங்கடத்தில் நெளிந்தாராம் ரஜினி.

இனி வேறு வழியில்லாமல், பேட்டி கொடுத்த அரைமணி நேரத்திற்குள் மீண்டும் செய்தியாளர்களைச் சந்தித்த ரஜினி, ‘’காவி விவகாரத்தை ஊடகங்கள் தான் பெரிதாக்கி விட்டன. திருவள்ளுவருக்கு காவி உடை அணிவித்த விவகாரத்தை ஊடங்கள் தான் பெரிதாக்கி விட்டன. நான் எப்போதும் வெளிப்படையாகத் தான் பேசுவேன். பேசி வருகிறேன். அயோத்தி தீர்ப்பு எப்படி வந்தாலும் மக்கள் ஏற்றுக் கொண்டு அமைதி காக்க வேண்டும்.  அரசியல் கட்சி தொடங்கும் வரை திரைப்படங்களில் தொடர்ந்து நடிப்பேன்.  எம்.ஜி.ஆர் கூட அரசியலுக்கு வந்த பிறகும் முதல்வராகும் வரை திரைப்படங்களில் நடித்தார். தமிழகத்தில் சரியான ஆளுமைக்கான வெற்றிடம் இன்னும் உள்ளது.  குறிப்பிட்ட சிலர் மட்டுமே எனக்கு காவி சாயம் பூச முயற்சிக்கிறார்கள். அரசியலில் இது சகஜம்.  திருவள்ளுவருக்கு காவி உடை அணிவித்தது அவர்களது தனிப்பட்ட விருப்பம்’’என முதல் பேட்டியில் பேசியதை அப்படியே உல்டாவாக மாற்றி சமாளித்தார் ரஜினி.