சென்னையில் 4 வயது சிறுமி கொடூரமாக பாலியல் பலாத்காரம் செய்யப்பட்டு கொலை செய்யப்பட்ட விவகாரம் அதிர்ச்சியை ஏற்படுத்தியுள்ளது.

சென்னை ஆவடி அடுத்துள்ள திருமுல்லைவாயில் அந்தோணி நகரில் வசித்து வருபவர்கள் ராஜேந்திரன் – செந்தமிழ் செல்வி தம்பதி. இந்த தம்பதிக்கு கார்முகிலன் என்கிற 8 வயது மகனும், ஷன்மதி என்கிற 4 வயது மகளும் உள்ளனர்.

நேற்று கார்முகிலனை டியூஷனில் விடுவதற்காக, ஷன்மதியை வீட்டில் தனியாக விட்டுவிட்டு செந்தமிழ் செல்வி சென்றுள்ளார். திரும்பி வந்த போது வீட்டில் ஷன்மதியை காணவில்லை. பல இடங்களில் தேடியும் சிறுமி கிடைக்கவில்லை. எனவே, ராஜேந்திரனும், செந்தமிழ் செல்வியும் பதறி அடித்துக்கொண்டு காவல் நிலையத்தில் புகார் அளித்தனர்.

அதன்பின் வீட்டிற்கு வந்த அவர்கள் பாத்ரூமில் ஷன்மதியின் உடல் ஒரு வாளிக்குள் சாக்கு மூட்டையில் கட்டப்பட்டு நிலையில் பிணமாக கிடந்ததை கண்டு அதிர்ச்சி அடைந்து கதறி அழுதனர். சிறுமியின் பிறப்பு உறுப்பில் காயம் இருந்ததால், அவள் பாலியல் பலாத்காரம் செய்யப்பட்டு கொலை செய்யப்பட்டதை போலீசார் கண்டுபிடித்தனர்.

இது தொடர்பாக அவர்களின் சந்தேகம் பக்கத்து வீட்டில் வசிக்கும் மீனாட்சி சுந்தரத்தின் (60) மீது எழுந்தது. போலீசாரின் விசாரணையில் அவர்தான் குழந்தையை நாசம் செய்தது தெரியவந்தது. இத்தனைக்கும் உறவு முறையில் அவர் ஷன்மதியின் பெரியப்பா என்பதும் ஓய்வு பெற்ற ராணுவ வீரர் என்பது தெரியவந்தது.

சிறுமி தனியாக இருந்த சிறுமியை தனது வீட்டுக்கு அழைத்து சென்றேன். என் படுக்கை அறையில் வைத்து மூர்க்கத்தனமாக பாலியல் பலாத்காரம் செய்தேன். இதில் அவள் இறந்துவிட்டாள். இதில் பயந்து போன நான் சிறுமியின் உடலை கோணிப்பையில் கட்டி அவர்களின் வீட்டில் உள்ள பாத்ரூமில் வைத்து விட்டேன் என அவர் போலீசாரிடம் வாக்குமூலம் அளித்துள்ளார்.

இந்த சம்பவம் அந்த பகுதியில் வசிக்கும் பொதுமக்களிடையே அதிர்ச்சியை ஏற்படுத்தியுள்ளது.