ஜாதி பெயரை சொல்லி திட்டினாரா தாடி பாலாஜி? மனைவி போலீஸ் புகார்

விஜய் டிவியில் ஒளிபரப்பாகி வரும் கலக்க போவது யாரு? நிகழ்ச்சியின் நடுவர்களில் ஒருவரும், பிரபல காமெடி நடிகருமான தாடி பாலாஜி மீது அவரது மனைவி நித்யா, வன்கொடுமை புகார் ஒன்றை காவல்நிலையத்தில் கொடுத்துள்ளதால் பெரும் பரபரப்பு ஏற்பட்டுள்ளது.

கடந்த சில ஆண்டுகளுக்கு முன்னர் காதல் திருமணம் செய்த பாலாஜி-நித்யா தம்பதியினர்களுக்கு போர்ஷா என்ற மகள் உள்ளார். இந்நிலையில் இருவருக்கும் இடையே கருத்துவேறுபாடு ஏற்பட்டதாக ஏற்கனவே கிசுகிசு வெளிவந்தது. சமீபத்தில் இருவரும் சேர்ந்து ஒரு டான்ஸ் நிகழ்ச்சியில் கலந்து கொண்டபோது இது வெட்ட வெளிச்சமாக தெரிய வந்தது.

இந்த நிலையில் பாலாஜியின் மனைவி நித்யா இன்று திடீரென மாதவரம் காவல்நிலையம் சென்று தனது கணவர் தன்னுடைய சமூகத்தின் பெயரை சொல்லி திட்டுவதாகவும், மேலும் தன்னை கொடுமைப்படுத்துவதாகவும், அவர் மீது தகுந்த நடவடிக்கை எடுக்க வேண்டும் என்றும் புகார் கொடுத்துள்ளார். இந்த புகார் மீது போலீசார் விசாரணை செய்து வரும் நிலையில் அவர் கைது செய்யப்படுவாரா? என்ற பரபரப்பு ஏற்பட்டுள்ளது.