ராணா ரகுபதி மூளை இல்லாதவர் : நடிகர் சர்ச்சை பேச்சு

சர்ச்சையான கருத்துகளை தெரிவித்துவரும் பாலிவுட் நடிகர் கமால்கான், தற்போது பாகுபலி நடிகர்கள் ராணா ரகுபதி மற்றும் பிரபாஸ் பற்றி தெரிவித்துள்ள கருத்து சர்ச்சையை ஏற்படுத்தியுள்ளது.

கமால்கன், சமீப காலமாக நடிகர்கள் மற்றும் திரைப்படங்கள் பற்றி சர்ச்சையான கருத்துகளை பதிவு செய்து வருகிறர். சமீபத்தில் மோகன்லாலை பற்றி விமர்சித்து கேரள ரசிகர்களிடம் வாங்கிக் கட்டிக் கொண்டார். அதன் பின் அதற்கான மன்னிப்பு கேட்டார்.

அதன் பின் அவரின் பார்வை சமீபத்தில் வெளியாகி வசூலை குவித்து வரும் பாகுபலி படம் மீது திரும்பியது. அது ஒரு குப்பைப் படம் என விமர்சித்தார்.

அந்நிலையில், அவரின் டிவிட்டர் கணக்கை பாகுபலி படத்தில் வில்லனாக நடித்த ராணா ரகுபதி, அவரின் கணக்கிலிருந்து ப்ளாக் செய்தார். இதனால் கோபமடைந்த கமால் கான் “நான் இந்த முட்டாளை (ராணா) பின் தொடரவும் இல்லை, இதுவரை எந்த ஒரு தவறான கருத்துகளையும் பதிவு செய்ததில்லை. இருந்தும் என்னை ப்ளாக் செய்து, அவர் ஒரு மூளை இல்லாதவர் எனக் காட்டி விட்டார்” என டிவிட் செய்துள்ளார்.

இது ராணா ரசிகர்களிடையே கொந்தளிப்பை ஏற்படுத்தியுள்ளது.