நடிகர் சூர்யாவின் மகன் ஒரு புதிய படத்தில் ஹீரோவாக நடிக்க வாய்ப்பிருப்பதாக செய்திகள் கசிந்துள்ளது.

சூர்யாவுக்கு அவ்வளவு பெரிய மகனா என அதிர்ச்சி அடையாதீர்கள். சூர்யா – ஜோதிகா தம்பதிக்கு தேவ் சவிக்குமார் என்கிற மகன், தியா என்கிற மகள் என இரு குழந்தைகள் உள்ளனர். தற்போது அவர்கள் இருவரும் பள்ளியில் படித்து வருகின்றனர்.

இந்நிலையில், அறிமுக இயக்குனர் ஒருவர் சூர்யா – ஜோதிகாவை சந்தித்து ஒரு கதையை கூறினாராம். ஒரு சிறுவனுக்கும், நாய்க்குட்டிக்கும் இடையேயான பாசப்பிணைப்பு பற்றிய கதையாம். சூர்யாவுக்கும், ஜோதிகாவுக்கும் கதை பிடித்திருந்தாலும், அதற்குள் மகனை சினிமாவில் நடிக்க வைப்பதா என யோசித்து வருகின்றனராம்.

ஆனாலும், கதை பிடித்திருப்பதால் விரைவில் படம் பற்றிய அறிவிப்பு வெளியாகும் என எதிர்பார்க்கப்படுகிறது. இந்த தகவலை பிரபல வலைப்பேச்சு யுடியூப் சேனல் வெளியிட்டுள்ளது.