Actor vivek Jiivi Movie  – சமீபத்தில் வெளியான ஜீவி திரைப்படத்தை நடிகர் விவேக் மிகவும் பாராட்டியுள்ளார்.

8 தோட்டாக்கள் படத்தில் நடித்த வெற்றி நடித்த ஜீவி திரைப்படம் சமீபத்தில் வெளியானது. இப்படத்தின் கதை முக்கோண அறிவியலின் அடிப்படையில் இருவேறு குடும்பங்களுக்கு நடக்கும் ஒரே மாதிரியான சம்பவங்களை அடிப்படையாக கொண்டு உருவாக்கப்பட்டிருந்ததால் வித்தியாசமான திரைப்படங்களை பார்க்க விரும்பிய பலரையும் இப்படம் கவர்ந்தது. இப்படத்தை இயக்குனர் கோபிநாத் இயக்கியிருந்தார்.

இந்நிலையில், இப்படத்தை பார்த்த நடிகர் விவேக் தனது டிவிட்டர் பக்கத்தில் ‘ஜீவி படம் பார்த்தேன். சாதாரணமாக ஆரம்பிக்கும் கதை போகப் போக நம்மை ஆட்கொள்கிறது. வித்தியாசமான படங்களைத் தேடும் ரசிகர்களுக்கு, ஜீவி ஒரு வெறித்தனமான தீனி! இயல்பாக நடிக்கும் ஹீரோ, கவனிக்க வைக்கும் வசனம், துணிச்சலான இயக்குனர்! ’ என பதிவிட்டுள்ளார்.’