நந்தினி சீரியலில் மிரட்டும் காயத்ரி ஜெயராமன்..

நந்தினி தொடர் மூலம் சின்னத்திரையில் நுழைந்து தனக்கென தனி ரசிகர் கூட்டத்தை உருவாக்கி வருகிறார் காயத்ரி ஜெயராமன்.

பிரபுதேவாவுக்கு ஜோடியாக ‘மனதை திருடி விட்டாய்’ படத்தில் நடித்து, தமிழ் சினிமாவில் அறிமுகமானவர் காயத்ரி ஜெயராமன். அதன் பின், ஏப்ரல் மாதத்தில், வசீகரா உள்ளிட்ட தமிழ் படங்கள் மற்றும் மலையாளம், தெலுங்கு ஆகிய மொழிகளில் சில படங்களில் நடித்தார். ஆனால், அவருக்கு சரியான வாய்ப்பு அமையாததால் சினிமாவிலிருந்து விலகினார்.

அதன் பின், ஆழ்கடலுக்குள் நீச்சல் அடிக்கும் ஸ்கூபா டைவிங்கில் தனது கவனத்தை செலுத்தினார். அந்தமான் பகுதியில் ஸ்கூபா டைவிங் சொல்லித் தரும் மாஸ்டர் ஆனார். அப்போது, தன்னுடைய சக பயிற்சியாளரான சமித் ஸ்வானி என்பவரை திருமணம் செய்து கொண்டு அந்தமானிலேயே செட்டில் ஆனார்.

அந்நிலையில், அவருக்கு மீண்டும் நடிக்க வேண்டும் என்கிற ஆர்வம் ஏற்பட்டது. ஆனால், சினிமாவில் சரியான வாய்ப்பு அமையவில்லை. எனவே, சின்னத்திரைக்கு சென்றார். சில நிகழ்ச்சிகளையும் தொகுத்து வழங்கினார். மேலும், சூப்பர் குடும்பம், அச்சம் தவிர் உள்ளிட்ட சில தொடர்களில் நடித்தார். தற்போது இயக்குனர் ராஜ்கபூர் இயக்கி வரும் நந்தினி படத்தில் பைரவி என்கிற கதாபாத்திரத்தில் வில்லியாக நடித்து வருகிறார். இந்த தொடரில் மிரட்டலான தனது நடிப்பால் பல ரசிகர்களை பெற்றுள்ளார்.