முதல்வர் எடப்பாடி பழனிச்சாமியுடன் நடிகை வரலட்சுமி சந்திப்பு

11:19 காலை

தமிழக முதல்வர் எடப்பாடி பழனிச்சாமி அவர்களை நடிகையும், நடிகர் சரத்குமார் மகளுமான வரலட்சுமி இன்று சந்தித்தார்.

Loading...

சென்னையில் உள்ள முதல்வரின் இல்லத்தில் நடந்த இந்த சந்திப்பின்போது, தனது ‘ஷேவ் சக்தி’ என்ற பெண்கள் பாதுகாப்பு அமைப்பு குறித்தும் அதன் செயல்பாடுகள் குறித்தும் முதல்வரிடம் வரலட்சுமி விளக்கம் அளித்தார். மேலும் இந்த அமைப்பு நடிகைகள் மட்டுமின்றி பாலியல் தொல்லைக்கு ஆளாகும் அனைத்து பெண்களுக்கும் உதவும் என்றும் இந்த அமைப்பின் கோரிக்கைகளை தமிழக அரசு நிறைவேற்ற வேண்டும் என்றும் அவர் முதல்வரிடம் தெரிவித்தார்.

முதல்வரின் சந்திப்புக்கு பின்னர் செய்தியாளர்களிடம் பேசிய வரலட்சுமி, ‘பாலியல் வன்கொடுமைகளால் பெண்கள் மனரீதியாகவும் உடல் ரீதியாகவும் பாதிக்கப்படுகின்றனர் என்றும் மாவட்டம் தோறும் மகளிர் நீதிமன்றங்கள் அமைக்கப்பட வேண்டும் என்றும் கூறினார். பெண்களுக்கு எதிரான குற்றங்களில் 6 மாதத்தில் தீர்ப்பு வழங்கப்பட வேண்டும் என்றும் இந்தக் கோரிக்கைகள் குறித்து முதல்வரிடம் தெரிவித்திருப்பதாகவும் அவர் சொன்னார்.

(Visited 6 times, 1 visits today)
The following two tabs change content below.
பிரிட்டோ

பிரிட்டோ

பத்திரிக்கை நிருபராக இந்த வலைதளத்தில் பணியாற்றுகிறார். சினிமா தொடர்பான அனைத்து நிகழ்ச்சிகளுக்கும் நேரில் சென்று பார்வையிட்டு சம்பவ இடத்திலிருந்தே செய்திகள் மற்றும் புகைப்படங்களை உடனுக்குடன் தளத்தில் பதிவேற்றம் செய்கிறார். நிருபர் பணியில் இவர் தமிழில் முன்னனி செய்தி தொலைக்காட்சிகளில் பணியாற்றிய அனுபவம் உள்ளவர் தொடர்புகொள்ள- 9600729393