Viswasam Box Office Collection : தமிழில் ‘வீரம், வேதாளம், விவேகம்’ படங்களுக்கு பிறகு ‘தல’ அஜித் – இயக்குநர் சிவா கூட்டணி அமைத்த 4-வது படம் ‘விஸ்வாசம்’, கடந்த மாதம் பொங்கல் ஸ்பெஷலாக வெளியானது. இதில் அஜித்துக்கு ஜோடியாக நயன்தாரா நடித்திருந்தார்.

மேலும், முக்கிய வேடங்களில் பேபி அனிகா, ஜெகபதி பாபு, யோகி பாபு, தம்பி இராமையா, ரோபோ ஷங்கர், விவேக் ஆகியோர் நடித்திருந்தனர். ‘சத்யஜோதி ஃபிலிம்ஸ்’ நிறுவனம் தயாரித்திருந்த இதற்கு டி.இமான் இசையமைத்திருந்தார்.

இப்படம் ரசிகர்களிடையே நல்ல வரவேற்பை பெற்று வெற்றிகரமாக திரையரங்குகளில் ஓடிக் கொண்டிருக்கிறது. இந்நிலையில், இந்த படம் தமிழ்நாட்டில் மட்டும் ரூ.125 கோடி முதல் ரூ.135 கோடி வசூல் செய்துள்ளதாக படத்தின் தயாரிப்பாளர் தெரிவித்துள்ளார்.