Biggboss Meera Mithn acting in tamil cinema – பிக்பாஸ் நிகழ்ச்சியிலிருந்து வெளியேறிய மீரா மிதுன் சில திரைப்படங்களில் நடிக்கவுள்ளதாக செய்திகள் வெளியாகியுள்ளது.

பிக்பாஸ் வீட்டில் தனது நடவடிக்கை மூலம் ரசிகர்களிடம் அதிருப்தி மற்றும் வெறுப்பை பெற்றவர் மீரா மிதுன். குறிப்பாக சேரன் மீது அவர் கூறிய போலியான புகாரால் ரசிகர்களின் கோபத்திற்கும் ஆளானார். இதனாலேயே பிக்பாஸ் வீட்டில் அவர் வெளியேற்றப்பட்டார்.

அதன்பின், தனது புகைப்படங்களை இன்ஸ்டாகிராம் பக்கத்தில் வெளியிட்டு வருகிறார். அதோடு, சமீபத்தில் நண்பர்களுடன் அமர்ந்து அவர் பீர் பிடிக்கும் வீடியோவும் வெளியாகி பரபரப்பை ஏற்படுத்தியது.

இந்நிலையில், சினிமாவில் நடிக்க அவருக்கு வாய்ப்பு கிடைத்திருப்பதாக செய்திகள் வெளிவந்துள்ளது. மூடர் கூடம் நவீன் இயக்கும் அக்னி சிறகுகள் படத்தில் மீரா மிதுன் நடிக்கவுள்ளாராம். இப்படத்தில் விஜய் ஆண்டனி மற்றும் அருண் விஜய் ஆகியோர் நடிக்கவுள்ளனர் என்பது குறிப்பிடத்தக்கது.

அதேபோல், பாண்டிராஜ் இயக்கத்தில் சிவகார்த்திகேயன் நடித்து வரும் ‘நம்ம வீட்டு பிள்ளை’ திரைப்படத்திலும் அவர் நடிக்கவுள்ளதாக கூறப்படுகிறது. சினிமா வாய்ப்பையாவது அவர் சரியாக பயன்படுத்துவாரா இல்லையே என்பதை பொறுத்திருந்துதான் பார்க்க வேண்டும்.