Home Blog

சரவெடி வசனங்களாய் ‘தெறி’க்கும் ‘சர்கார்’ டீசர்!

ஏ.ஆர்.முருகதாஸ் இயக்கத்தில் விஜய் நடித்துள்ள படம் ‘சர்கார்’. இப்படத்தில் விஜய்க்கு ஜோடியாக கீர்த்தி சுரேஷ் நடித்துள்ளார்.

சன்பிக்சர்ஸ் நிறுவனம் இப்படத்தின் டீசரை இன்று (அக்.19) வெளியிட்டு உள்ளது

இப்படத்தில், ராதா ரவி, வரலக்ஷ்மி சரத்குமார் ஆகியோர் நடித்துள்ளனர். ஏ.ஆர்.ரஹ்மான் இசையமைத்துள்ள இந்த படம் தீபாவளியை முன்னிட்டு வெளியாகவிருக்கிறது.

இந்த படத்தின் பாடல்கள் சமீபத்தில் வெளியாகி ரசிகர்களிடையே வரவேற்பை பெற்றது. இந்நிலையில், இப்படத்தின் டீசர் இன்று மாலை 6 மணிக்கு வெளியாகியது. ரசிகர்கள் இதனை கொண்டாடி  வருகின்றனர்.

இப்படத்தின் டீசர் வெளியாகி 55 நிமிடத்தில் 40 லட்சம் பார்வையாளர்கள் பார்த்துள்ளனர். மேலும், இதன் எண்ணிக்கை அதிகரிக்கக்கூடும்.இதன் மூலம் ‘சர்கார்’ டீசர் புதிய சாதனை படைத்துள்ளது.

‘2.0’ படத்தின் சிங்கிள் டிராக் நாளை ரிலீஸ்!

இந்திய திரையுரலகில்  பெரும் பொருட்செலவில் உருவாகி வரும் படம் ‘2.0’. இப்படத்தில் ரஜினிக்கு ஜோடியாக எமி ஜாக்சன் நடிக்கிறார்.

ஷங்கர் இயக்கத்தில் ‘எந்திரன்’ இரண்டாம் பாகமாக உருவாகும் இப்படத்தில் வில்லனாக பாலிவுட் நடிகர் அக்ஷய் குமார் நடிக்கிறார். லைகா புரொடகஷன் இப்படத்தை தயாித்துள்ளது. ஏ.ஆர்.ரஹ்மான் இசையைமத்துள்ளார்.

தற்போது,இப்படத்தின் கிராபிக்ஸ் பணிகள் விறுவிறுப்பாக நடைபெற்று வருகிறது.

இப்படத்தின் டீசர் கடந்த செப்டம்பர் 13ஆம் தேதி வெளியாகி ரசிகர்களிடையே பெரும் எதிர்பார்ப்பை ஏற்படுத்தியுள்ளது.

இந்நிலையில், ‘2.0’ படத்தின் இரண்டு சிங்கிள் டிராக் பாடல் விடியோ நாளை (அக்.20) காலை 11 மணியளவில் வெளியிட படக்குழுவினர் முடிவு செய்துள்ளனர்.

‘இவனுக்கு எங்கயோ மச்சம் இருக்கு’: கிளுகிளுப்பை கிளப்பிய டிரெய்லர்!

நடிகர் விமலின் ‘இவனுக்கு எங்கயோ மச்சம் இருக்கு’ படத்தின் டிரெய்லர் விடியோ வெளியாகியுள்ளது.

நடிகர் விமல் தொடக்கத்தில் ‘கில்லி’,’குருவி’, ‘ கீரிடம்’ போன்ற படங்களில் சிறு வேடத்தில் நடித்துள்ளார். பின்பு ‘காஞ்சிவரம்’ படத்தில் நடித்து எல்லோருடைய பாராட்டையும் பெற்றார்.

அதன் பிறகு பாண்டிராஜ் இயக்கத்தில் ‘பசங்க’ நடித்தார். அடுத்து அவர் நடித்த ‘களவாணி’ படம் வெற்றிப்படமாக அமைந்தது.

அதனையடுத்து ‘வாகை சூடவா’, ‘கலகலப்பு’, ‘கேடி பில்லா கில்லாடி ரங்கா’, ‘ தேசிங்கு ராஜா’என பல படங்களில் நடித்தார்.

தற்போது,நடிகர் விமல் இயக்குநர் ஏ.ஆர். முகஷே் இயக்கத்தில் நடிக்கும் படம் ‘இவனுக்கு எங்கயோ மச்சம் இருக்கு’. இந்த படத்தில் முழுவதுமாக நகைச்சுவை நாயகனாக நடிக்கிறார். இப்படத்திற்கு நடராஜன் சங்கரன் இசையமைத்துள்ளார்.

மேலும், இப்படத்தில் சிங்கம் புலி,அஸ்னா ஜவேரி, ஆனந்த் ராஜ், மன்சூர் அலி கான், மியா லியோன், பூர்ணா ஆகிய நட்சத்திரங்கள் நடிக்கின்றனர்.

இந்நிலையில், இப்படத்தின் டிரெய்லர் வெளியாகி உள்ளது.

‘வாயாடி பெத்த புள்ள’ பாடல் ஒரே மாதத்தில் 50 மில்லியன் பார்வையாளர்களை கடந்து சாதனை…

பெண்கள் கிரிக்கெட்டை மையமாக வைத்து உருவாகிவரும் படம்தான் ‘கனா’. இப்படத்தை நடிகர் சிவகார்த்திகேயன் தனது புரொடக்ஷன் சார்பில் தாயரித்து வருகிறார்.

‘வாயாடி பெத்த புள்ள’ பாடல் யூடியூப்பில் வெளியான ஒரே மாதத்தில் 5 கோடி பார்வையாளர்களை கடந்து சாதனை புரிந்துள்ளது.

இப்படத்தில் ஐஸ்வர்யா ராஜேஷ், சத்யராஜ் உள்ளிட்டோர் முக்கிய கதாபாத்திரத்தல் நடிக்கின்றனர். இந்த படத்தினை அருண்ராஜா காமராஜா இயக்கியுள்ளார்.

இந்நிலையில், இந்த படத்தில் ‘வாயாடி பெத்த புள்ள’ பாடலை சிவகார்த்தியேனும், அவரது மகளுமான ஆராதனா பாடியுள்ளனர். இவர்களுடன் பாடகி வைக்கம் விஜயலட்சுமியும் இணைந்து பாடியுள்ளார்.

இந்த பாடல் யூடியூப்பில் வெளியான ஒரே மாதத்தில் இதுவரை 50 மில்லியன் பார்வையாளர்களை கடந்து பெரும் சாதனை புரிந்துள்ளது.

இதுவரை எந்த பாடகருக்கும் கிடைக்காத பெருமை இந்த பாடலுக்கு கிடைத்துள்ளது.

இதுகுறித்து பேசிய நடிகர் சிவகார்த்திகேயன், இந்த பாடல், என் மகள் ஆராதனாவுடன் எனக்கு இருக்கும் உறவை காலம் முழுக்க நினைக்க வைத்துள்ளது இந்த பாடலை பாடிய வைக்கம் விஜயலட்சுமி அவர்களுக்கு நன்றி என தெரிவித்துள்ளார்.

இசையமைப்பாளர் திபு நினன் தாமஸ், பாடலாசிரியர் ஜி.கே.பி. ஆகியோரின் கூட்டு முயற்சிக்கு கிடைத்த வெற்றி என்றார்.

ஆராதனாவின் அழகிய குரல் இப்பாடலின் இனிமைக்கு முக்கிய காரணமாக அமைந்துள்ளது என நடிகர் சிவகார்த்திகேயன் கூறியுள்ளார்.

‘அன்னபெல் 3’ மீண்டும் மிரட்ட வருகிறாள்!

உலக அளவில் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள ‘அன்னபெல் 3’ விரைவில் தயாராகவுள்ளது.

உலகில் திகில் படத்திற்கென ஒரு தனி கூட்டமே உள்ளது. உண்மை சம்பவங்களை மையாக வைத்து எடுக்கப்பட்டு வெளிவந்த ‘தி கான்ஜூரிங்’ படம் வெளியாகி நல்ல வரவேற்பை பெற்றது.

இதனைத் தொடர்ந்து ‘கான்ஜூரிங் 2’, ‘அன்னபெல்’, ‘அன்னபெல் கிரயேசன்’, ‘தி நன்’ ஆகிய திரைப்படங்கள் திகிலிலும், வசூல் ரீதியிலும்
சக்கைப் போடு போட்டது.

இந்நிலையில், ‘அன்னபெல்’ 3வது பாகத்தை ஜேம்ஸ் வான், பீட்டர் சாப்ரான் தயாரிக்கின்றனர்.

இப்படத்திலும் மீண்டும் பிரபல ஜோடிகளான பார்ரிக், வேரா இணைந்துள்ளனர். மேலும், இப்படத்தில் ‘ஜூமான்ஜி’ பட புகழ் மாடிசன்
ஐஸ்மேன் முக்கிய கதாபாத்திரத்தில் நடிக்கவுள்ளார்.

இப்படம் அதிக திகில் கலந்த படமாக உருவாகவுள்ளதாகவும், இந்த படமானது அடுத்த ஆண்டு (2019) ஜீலை மாதம் வெளியாகும் என்று
எதிர்பார்க்கப்படுகிறது.

வைரலாகும் ‘பாரிஸ் பாரிஸ்’ படத்தின் ஃபர்ஸ்ட் லுக்!

ரமேஷ் அரவிந்த் இயக்கத்தில் காஜல் அகர்வால் நடித்து வரும் படம் ‘பாரிஸ் பாரிஸ்’. இந்தியில் 2014ஆம் ஆண்டு கங்கனா ரனாவத் நடித்து மெகா ஹிட்டான ‘குயின்’ படத்தின் ரீமேக்கதான் இது.

இப்படத்தில் ‘பரமேஸ்வரி’ என்ற கதாபாத்திரத்தில் நடிக்கிறார் காஜல் அகர்வால். இப்படத்தில் எமி ஜாக்சன் முக்கிய கதாபாத்திரத்தில் நடிக்கிறார்.

இப்படத்தினை மனு குமரன் ‘மீடியன்ட் நிறுவனம்’ சார்பில் பிரம்மாண்டமாக தயாரித்து வருகிறார்.

‘குயின்’ இந்தி படத்தை தமிழில் காஜல் அகர்வால் ‘பாரிஸ் பாரிஸ்’, தெலுங்கில் தமன்னா ‘மகாலட்சுமி’, மலையாளத்தில் மஞ்சிமா மோகன் ‘ஜாம் ஜாம்’, கன்னடத்தில் ‘பட்டர்ஃப்ளை’ என நான்கு மொழிகளில் இப்படம் உருவாகி வருகிறது.

இந்நிலையில், நான்கு மொழிகளிலும் இந்த படத்திற்கான ஃபர்ஸ்ட் லுக் வெளியாகி உள்ளது. இதனையடுத்து படத்திற்கான அடுத்த தகவல் விரைவில் வெளியாகுமென எதிர்பார்க்கப்படுகிறது.

‘ராட்சசன்’ படக்குழுவினரை வாழ்த்திய ஸ்டாலின்!

ராம்குமார் இயக்கத்தில் விஷ்ணு விஷால், அமலாபால் நடித்து சமீபத்தில் வெளிவந்த திரில்லர் படம் ‘ராட்சசன்’. இப்படம் மக்களிடையே பெரும் வரவேற்பை பெற்றுள்ளது.

இப்படத்திற்கு திரையுலகினர் பலரும் வாழ்த்துக்கள் தெரிவித்து வந்த நிலையில், திமுக கட்சி தலைவர் மு.க.ஸ்டாலின் படக்குழுவினரை வாழ்த்தியுள்ளார்.

இப்படத்தில் விஷ்ணு போலீஸ் அதிகாரியாக நடித்துள்ளார். ஜிப்ரான் இசையமைத்துள்ள இப்படத்திற்கு பி.வி.ஷங்கர் ஒளிப்பதிவு செய்துள்ளார்.

‘ஆக்சஸ் ஃபிலிம் ஃபேக்டரி – ஸ்கைலார்க் எண்டர்டெயிண்மெண்ட்’ நிறுவனங்கள் இணைந்து இப்படத்தை தயாரித்திருந்ததது.

இப்படம் கடந்த அக்டோபர் 5ஆம் தேதி ரிலீசாகி ரசிகர்களிடையே நல்ல வரவேற்பை பெற்றுள்ளது. இந்நிலையில், திமுக கட்சி தலைவர் ஸ்டாலின், நடிகர் உதயநிதி ஸ்டாலின் இருவரும் படத்தினை பார்த்து ‘ராட்சசன்’ படக்குழுவினரை நேரில் பாராட்டியுள்ளனர்.

இதனால் படக்குழுவினர் மிகுந்த மகிழ்ச்சியில் உள்ளனர். இதில் நடிகர் விஷ்ணு விஷால் ஒரு நடிகராக நல்ல படங்களை கொடுக்க நினைப்பதாக  கூறியுள்ளார்.

ஆண் சிங்கத்துடன் குதூகலித்த பெண் சிங்கங்கள்! விடியோ

லண்டன்: இங்கிலாந்தில் உள்ள விலங்கியல் பூங்காவில் நான்கு சிங்கங்கள் உதிர்ந்துகிடந்த வாசனை மிகுந்த இலைகளில் உருண்டு புரண்டு விளையாடிய விடியோ வெளியாகியுள்ளது.

இங்கிலாந்தில் விலங்கியல் பூங்காவுக்கு நாள்தோறும் பார்வையாளர்கள் வந்து விலங்குகளின் செயல்பாடுகளை ரசித்து பொழுதை
களித்துச் செல்வர்.

இந்நிலையில், அந்த பூங்காவில், ஒரு பகுதியில் இலவங்கம், கிராம்பு இலைகளால் அமைக்கப்பட்டு ஒரு வண்ணக் குவியலாய் மிகவும் வாசனை மிகுந்து காணப்பட்டது.

அந்த இலைகளில் ஹெய்தி, இந்தி, ரூபி ஆகிய பெண் சிங்கங்கள் பானு என்ற ஆண் சிங்கத்துடன் உருண்டு புரண்டு குஷியாய் விளையாடிக் கொண்டிருந்தன. இவை ஆசிய சிங்கங்கள் ஆகும்.

இந்த நிகழ்வு பார்வையாளர்களை வெகுவாக கவர்ந்தது. இந்த புதிய அமைப்பை பூங்காவின் மேற்பார்வையாளர் இந்த சீசனுக்காக பிரத்யேகமாக அமைத்திருந்தார்.

தற்போது, இந்த ஆசிய சிங்கங்கள் விளையாடிய விடியோ காட்சி வெளியாகி சமூக வலைதளங்களில் பகிரப்பட்டு வருகிறது.

‘எனக்கும் அப்படி நடந்துள்ளது’ – நடிகை ரித்விகா!

மீ டூ விவகாரம் இந்திய அளவில் பெரும் பரபரப்பை ஏற்படுத்தியுள்ளது. தமிழ் சினிமாவில் பாடகி சின்மயி, பாடலாசிரியர் வைரமுத்து மீது பாலியல் குற்றச்சாட்டுகளை கூறி வருகிறார்.

சின்மயியைத் தொடர்ந்து பல பெண்கள் தங்களுக்கு நேர்ந்த பாலியல் சீண்டல்கள் குறித்து மீ டூவில் தெரிவித்து வருகின்றனர்.

இந்நிலையில், பிக்பாஸ் 2 டைட்டில் வின்னர் ரித்விகா தனக்கு நேர்ந்த பாலியல் சீண்டல்கள் குறித்து கூறியுள்ளார்.

பிக்பாஸ் சீசன் 2வில் டைட்டில் வின்னரான ரித்விகாவிற்கு தற்போது பட வாய்ப்புகள் வந்த வண்ணம் உள்ளன. மேலும், விளம்பரகளிலும் நடத்தி வருகிறார்.

இந்நிலையில், ரித்விகா மீடூ விவகாரம் பற்றி ஒரு பேட்டியில் பேசியுள்ளார். அதில், “எனக்கும் சின்ன வயதில் அப்படி நடந்துள்ளது. என் வீட்டின் பக்கத்தில் இருக்கும் சிலர் தவறாக நடந்துள்ளதாக” தெரிவித்தார்.

ஆனால், அவர் யாரிடமும் அது பற்றி கூறவில்லை எனவும், பின்னர் வளர்ந்தபின் தான் அது புரிந்தது என கூறியுள்ளார்.

மேலும், குழந்தைகளுக்கு குட் டச் பேட் டச் பற்றி சொல்லி கொடுக்க வேண்டியது அவசியம் என ரித்விகா தெரிவித்துள்ளார்.

மீ டூ மூலம் பெண்கள் தங்களுக்கு நேர்ந்த பாலியல் சீண்டல்கள் குறித்து புகாரளித்து வரும் நிலையில், இந்த விவகாரம் இந்திய அளவில் பெரும் சர்ச்சையை ஏற்படுத்தி வருகிறது.

‘சண்டக்கோழி 2’ படத்தில் வில்லிதான் மாஸ்! டிவிட்டரில் ரசிகர்கள்

லிங்குசாமி இயக்கத்தில் விஷால் நடிப்பில் ‘சண்டக்கோழி 2’ உருவாகியுள்ளது. இப்படத்தில் கீர்த்தி சுரேஷ், வரலட்சுமி சரதகுமார், ராஜ்கிரன், கஞ்சா கருப்பு, ரோபோ சங்கர் உள்ளிட்ட பலர் நடித்துள்ளனர்.

இந்நிலையில், விஷாலுக்கு 25வது படமான இப்படம் நேற்று (அக்.18) திரையரங்குகளில் ‘சண்டக்கோழி 2’ ரிலீசாகி ரசிகர்களிடையே நல்ல வரவேற்பை பெற்று வருகிறது.

இப்படத்தில் வில்லியாக நடித்துள்ள வரலட்சுமி சரத்குமாரின் நடிப்பு எல்லோராலும் வெகுவாக பாராட்டப்பட்டு வருகிறது.

இப்படத்தை பார்த்த ரசிகர்கள் நடிகை வரலட்சுமிக்கு தங்களது வாழ்த்துக்களை டிவிட்டரில பகிர்ந்து வருகின்றனர்.

 

சமூகவலைதள பக்கங்களில் இணைய

7,778FansLike
590FollowersFollow
15FollowersFollow
417FollowersFollow
92SubscribersSubscribe

MOST POPULAR