Sunday, May 26, 2019
Home Blog

அதெல்லாம் ஒன்னும் இல்லீங்க: விளக்கம் கொடுத்த சிம்பு

சிம்பு என்றாலே வதந்தியாகட்டும், சர்ச்சையாகட்டும் பஞ்சமே இருக்காது.அவர் திரையுலகில் வந்த காலம் முதல் இன்று வரை விதவிதமான டிசைன்களில் வதந்திகளை பரப்பி விடுகின்றனர்.

இந்தநிலையில் இன்று காலை முதல் சிம்பு குறித்து ஒரு செய்தி தீயாய் பரவியது. அது சிம்பு திருமணம் செய்யவிருப்பதாகவும், பெண் பார்த்து பேசி முடித்துவிட்டதகாவும் இணையத்தில் வைரலாக பரவியது. இதனால் சிம்பு ரசிகர்கள் மகிழ்ச்சியில் திளைத்தனர். ஆனல் அது வத்ந்தி என்று பின்னர் தெரிய வந்தது.

இது குறித்து சிம்பு விளக்கம் கொடுத்துள்ளார். அதில் இப்போதைக்கு திருமணம் செய்யும் எண்ணம் எதுவும் இல்லை என்றும், உரிய நேரத்தில் அது பற்றி அறிவிப்பேன் என்றும் அவர் கூறியுள்ளார்.

 

கழுதை தேய்ந்து கட்டெறும்பானது – மாநிலக் கட்சி அந்தஸ்தை இழக்கும் தே.மு.தி.க ?

மக்களவைத் தேர்தலில் மிகவும் மோசமானத் தோல்வியை சந்தித்துள்ள கட்சிகளில் தேமுதிகவும் இடம்பிடித்துள்ளது.

2011 -2016 ஆம் ஆண்டுகளில் தமிழக சட்டமன்றத்தில் எதிர்க்கட்சியாக இருந்த தேமுதிக தற்போது அதளபாதாளத்தில் விழுந்துள்ளது. அதற்கு தேமுதிக வின் சமீபத்தைய அரசியல் செயல்பாடுகளேக் காரணம். தேமுதிக தலைவர் விஜயகாந்தின் உடல்நிலை, தமிழக அரசியலில் எந்த அதிர்வையும் ஏற்படுத்தாது போன்றவையே. ஜெயலலிதா மற்றும் கருணாநிதியின் மரணத்திற்குப் பின்னான அரசியல் வெற்றிட சூழ்நிலையை தேமுதிக சரியாகப் பயன்படுத்திக் கொள்ளாமல் விட்டுவிட்டது. இதற்கிடையில் கமலின் அரசியல் கட்சி, ரஜினியின் அரசியல் வருகை என ஊடகங்களின் கவனமும் மக்களின் கவனமும் தேமுதிக பக்கம் செல்லாமலே இருப்பதற்கு முக்கியக் காரணங்களாகிவிட்டன.

அதையடுத்து தேர்தலில் தன்னைப் புதுப்பித்துக்கொள்ள தேமுதிகவுக்கு ஒரு வாய்ப்பு கிடைத்தது. ஆனால் திமுகவுடன் கூட்டணி அமைக்காமல் அதிமுக மற்றும் பாஜகவோடுக் கூட்டணி அமைத்து தன் தலையில் தானே மண்ணள்ளிப் போட்டுக்கொண்டுள்ளது. மக்களவைத் தேர்தலில் 4 தொகுதிகளில் போட்டியிட்ட தேமுதிக நான்கையும் இழந்துள்ளது.

ஒருகாலத்தில் கிட்டதட்ட 11 சதவீத வாக்கு வங்கியை வைத்திருந்த தேமுதிக இப்போது தனது மாநிலக் கட்சி அந்தஸ்தை இழக்கும் நிலைக்கு தள்ளப்பட்டுள்ளது. மாநிலக் கட்சியாக இருப்பதற்குத் தேவையான 6 சதவீத வாக்குவங்கி அல்லது 8 சட்டமன்ற உறுப்பினர்  என எல்லா தகுதிகளையும் இழந்துள்ளது தேமுதிக. கடந்த 10 ஆண்டுகளாக தமிழகத்தின் மூன்றாவது பெரியக் கட்சி என்ற அந்தஸ்தை பெற்றிருந்த தேமுதிக அந்த தகுதியை இப்போது மக்கள் நீதி மய்யம் மற்றும் நாம் தமிழர் ஆகியக் கட்சிகளுக்கு தாரை வார்த்துள்ளது.

செல்வராகவனால் இரவு முழுவதும் அழுதேன் – சாய் பல்லவி அதிர்ச்சி பேட்டி

Actres Sai pallavi – என்.ஜி.கே படத்தில் நடித்த போது ஏற்பட்ட அனுபவம் பற்றி நடிகை சாய்பல்லவி சில தகவல்களை பகிர்ந்துள்ளார்.

என்.ஜி.கே படப்பிடிப்பு ஒரு கோவில் போல இருந்தது. மற்ற பட படப்பிடிப்புகளில் செல்போன் பயன்படுத்துவோம், மற்ற படங்களை பற்றி பேசுவோம் ஆனால் செல்வராகவன் படப்பிப்பில் அடுத்து நடிக்க வேண்டிய காட்சிக்கு பயிற்சி எடுத்துக் கொண்டிருப்போம். ஒரு வசனத்தை எப்படி பேச வேண்டும் என அழகாக சொல்லிக் கொடுப்பார். அது வரும் வரை நம்மை விடமாட்டார்.

ஒரு நாள் காலை முதல் மாலை வரை அவர் எதிர்பார்த்த ரியாக்‌ஷன் என் முகத்தில் வரவில்லை. அடுத்த நாள் பார்த்துக் கொள்ளலாம் எனக்கூறிவிட்டார். அன்று இரவு முழுக்க அழுதேன். என் அம்மாவிடம் நடிப்பை விட்டு விடுவதாக கூறினேன். அடுத்த நாள் ஒரே டேக்கில் ஓகே செய்துவிட்டார். என் அம்மா உங்களிடம் பேசினார்களா எனக்கேட்டேன். இல்லை. நான் கேட்டது வந்து விட்டது எனக்கூறினார்” என சாய்பல்லவி தெரிவித்துள்ளார்.

பிக்பாஸ் சீசன் 3 – கமல்ஹாசன் கொடுத்த பலே ஐடியா

Bigg Boss season 3 – பிக்பாஸ் சீசன் ஹிட் அடிக்க கமல்ஹாசன் சில ஐடியாக்களை கொடுத்துள்ளது தெரியவந்துள்ளது.

ஏற்கனவே பிக்பாஸ் சீசன் 1 மற்றும் 2 வெளியாகி ரசிகர்களிடையே நல்ல வரவேற்பை பெற்றிருந்த நிலையில், தற்போது பிக்பாஸ் 3வது சீசன் விரைவில் வெளியாகவுள்ளது.இந்த சீசனையும் கமல்ஹாசனே தொகுத்து வழங்குகிறார்.

எனவே, இந்த முறை பிக்பாஸ் வீட்டுக்குள்ளே யார் யார் போகிறார்கள் என்கிற எதிர்பார்ப்பு ரசிகர்களிடையே ஏற்பட்டுள்ளது. மேலும், இந்த முறை கலந்து கொள்ளப்போகும் பிரபலங்களில் பட்டியலும் வெளியாகியுள்ளது. இந்த நிகழ்ச்சியின் புரோமோ வீடியோவை விஜய் தொலைக்காட்சி வெளியிட்டுள்ளது.

இந்த நிகழ்ச்சியை மாபெரும் ஹிட் அடிக்க மற்ற மொழிகளை போல இந்நிகழ்ச்சியில் திருநங்கைகளை பிக்பாஸ் வீட்டிற்குள் அனுப்பலாம் என கமல்ஹாசன் சில ஐடியாக்களை கொடுத்துள்ளார். அதன்பின்னரே, சிங்கப்பூரை சேர்ந்த திருநங்கை சாக்‌ஷி ஹரேந்திரன், தர்மதுரை ஜீவா, அருவி அஞ்சலி என சிலரிடம் விஜய் டிவி டீல் பேசி வருகிறது என தற்போது செய்திகள் வெளியாகியுள்ளது.

பா.ம.க தோற்றது ஏன் ? – ராமதாஸை மௌனமாக்கியக் கேள்வி !

17 ஆவது மக்களவைத் தேர்தலில் 350 இடங்களைக் கைப்பற்றி தனிப்பெரும்பாண்மையோடு ஆட்சி அமைக்க இருக்கிறது பாஜக. ஆனால் இந்த செய்தி தமிழக பாஜகவுக்கும் அதன் கூட்டணிக் கட்சிகளுக்கும் முழு மகிழ்ச்சியை அளிக்கவில்லை. காரணம் தமிழகத்தில் பாஜக கூட்டணிக் கட்சிகள் வெற்றிப் பெற்ற தொகுதிகளின் எண்ணிக்கை 1.

இதில் முக்கியமாக தனது சொந்த தொகுதியான தர்மபுரியில் போட்டியிட்ட பாமகவின் இளைஞரணிச் செயலாளர் அன்புமணி தோல்வியடைந்திருப்பதுதான். பெரிதும் எதிர்பார்க்கப்பட்ட அவர் திமுக வேட்பாளரிடம் ஒரு லட்சம் வாக்குகள் வித்தியாசத்தில் தோல்வி அடைந்துள்ளார். இது பாமகவின் அரசியல் எதிர்காலம் குறித்து கேள்வி எழுப்பியுள்ளது.

இந்நிலையில் பாமகவின் முன்னாள் தலைவர் காடுவெட்டி குருவின் முதலாம் ஆண்டு நினைவு தினத்தை முன்னிட்டு இன்று அவருக்கு மரியாதை செலுத்த வந்த ராமதாஸிடம் பாமகவின் தோல்வி குறித்து கேள்வி எழுப்பிய போது அவர் பதில் எதுவும் சொல்லாமல் அமைதியாக சென்றுவிட்டார்.

4 வருடங்களுக்கு பின் சிம்புவுடன் இணையும் அந்த நடிகை…

Actor Simbu – ஒரு புதிய படத்தில் நடிகர் சிம்புவுடன் நடிகை ஹன்சிகா இணைந்து நடிக்க இருப்பது தெரியவந்துள்ளது.

நடிகர் சிம்பு நயன்தாராவை காதலித்தார். ஆனால், இருவரும் பிரிந்து விட்டனர். அதன்பின், நடிகை சிம்பு ஹன்சிகாவை காதலித்தார். இருவரும் நெருங்கி பழகி வந்த நிலையில், திடீரென இருவரும் பிரிந்துவிட்டனர். அதன்பின் சிம்பு யாரையும் காதலிக்கவில்லை.

ஹன்சிகா மோத்வானி நடிக்கும் புதிய படமான ‘மஹா’ படத்தில் சிம்பு நடிப்பதாக ஏற்கனவே செய்திகள் வெளியானது. ஹன்சிகாவுடன் மீண்டும் காதல் மலர்ந்துள்ளதால்தான் சிம்பு இதற்கு ஒப்புக் கொண்டதாகவும் கூறப்பட்டது.

மஹா படத்துக்காக சாமியால் போல் வேடமணிந்த ஹன்சிகா கஞ்சா அருந்துவது போல புகைப்படங்கள் வெளியானது. ஆனால், அது ரசிகர்களிடையே அவ்வளவு தாக்கத்தை ஏற்படுத்தவில்லை. எனவே, இப்படத்தில் சிம்புவை நடிக்க வைக்க அப்படத்தின் தயாரிப்பாளர் விரும்பியதாகவும் கூறப்பட்டுள்ளது.

இந்நிலையில், இந்த தகவலை இப்படத்தின் இயக்குனர் தனது டிவிட்டர் பக்கத்தில் உறுதி செய்துள்ளார். 4 வருடங்களுக்கு பிறகு சிம்புவும், ஹன்சிகாவும் இணைந்து நடிப்பது சினிமா வட்டாரத்தில் பரபரப்பை ஏற்படுத்தியுள்ளது.

மிரட்டும் தாதாவாக விஜய் – தளபதி 64 அப்டேட்

அட்லி படத்துக்கு பின் விஜய் நடிக்கவுள்ள புதிய படத்தில் விஜயின் கதாபாத்திரம் பற்றிய தகவல் வெளியாகியுள்ளது.

அட்லி இயக்கும் புதிய படத்தில் விஜய் ஒரு கால்பந்தாட்ட பயிற்சியாளராக நடித்து வருகிறார். இப்படத்தை ஏ.ஜி.எஸ் நிறுவனம் தயாரித்து வருகிறது. இப்படத்தில் நயன்தாரா, யோகிபாபு, விவேக், டேனியல் பாலாஜி, ஆனந்த ராஜ், பாலிவுட் நடிகர் ஜாக்கி ஷெராப், இந்துஜா உள்ளிட்ட பலரும் நடித்து வருகின்றனர்.

இப்படத்தின் படப்பிடிப்பு தற்போது சென்னையில் ஈ.வி.பி. ஃபிலிம் சிட்டியில் பிரம்மாண்டமான கால்பந்து விளையாட்டு மைதான அரங்கம் அமைக்கப்பட்டு நடைபெற்று வருகிறது.

இந்நிலையில், இப்படத்திற்கு பின் விஜய் மாநகரம் படத்தை இயக்கிய லோகேஷ் கனகராஜ் இயக்கத்தில் நடிக்க இருப்பதாக ஏற்கனவே செய்திகள் வெளியானது. தற்போது இப்படத்தில் விஜய் பெரிய தாதா வேடத்தில் நடிக்க இருக்கிறார் என தற்போது செய்திகள் கசிந்துள்ளது. எனவே, அவருக்கு வில்லனாக நடிக்கப்போவது யார் என்கிற எதிர்பார்ப்பும் எகிறியுள்ளது.

தேர்தலில் படுதோல்வி – ஆனால் மத்திய அமைச்சராகிறார் சௌகிதார் ஹெச் ராஜா !

தேர்தலில் தோற்றாலும் ஹெச் ராஜாவுக்கு மத்திய அமைச்சர் பதவி வழங்கப்பட இருப்பதாக டெல்லி வட்டாரங்களில் இருந்து செய்திகள் வெளியாக ஆரம்பித்துள்ளன.

இந்தியா முழுவதும் மிகப் பிரம்மாண்டமான வெற்றியைப் பெற்றுள்ளது. பாஜக மட்டும் மொத்தமாக 303 தொகுதிகளைப் பெற்று தனிப்பெரும்பாண்மையோடு ஆட்சி அமைக்க இருக்கிறது. ஆனாலும் அந்த வெற்றியைக் கொண்டாட முடியாமல் உள்ளது தமிழக பாஜக. அதற்கு மிக முக்கியக் காரணம் தமிழகத்தில் போட்டியிட்ட 5 தொகுதிகளிலும் மண்ணைக் கவ்வியுள்ளது பாஜக.

ஆனாலும் தமிழகத்தில் உள்ள பாஜகவினரை மகிழ்விக்கும் விதமாக செய்தி ஒன்று வெளியாகியுள்ளது. சிவகங்கை தொகுதியில் போட்டியிட்டு தோற்ற பாஜக தேசிய செயலாளர் ஹெச் ராஜாவுக்கு மத்திய வனம் மற்றும் சுற்றுசூழல் அமைச்சர்  அமைச்சர் பதவி வழங்கப்பட இருக்கிறதாம் பாஜக தலைமை.

முதல்வர் அல்லது பொதுச்செயலாளர் ; காய் நகர்த்தும் ஓ.பி.எஸ் : கலக்கத்தில் பழனிச்சாமி

OPS
OPS

நடந்து முடிந்த மக்களவை தேர்தல் மற்றும் சட்டமன்ற இடைத்தேர்தலில் திமுக பெற்ற வெற்றி ஆளும் அதிமுக அரசை அதிகமாகவே அசைத்துப்பார்த்துள்ளது.

வேலூர், புதுச்சேரியை தவிர்த்து தமிழகத்தில் 38 தொகுதிகளுக்கு மக்களவை தேர்தல் நடத்தப்பட்டது. இதில் திமுக 37 இடங்களில் வெற்றி பெற்றுள்ளது. புதுச்சேரியையும் சேர்த்தால் மொத்தம் 38 இடங்களில் திமுக வெற்றி. அதிமுகவோ தேனி தொகுதியில் மட்டுமே வெற்றியை தக்க வைத்துள்ளது. அதேபோல், பெரிதும் எதிர்பார்க்கப்பட்ட 22 தொகுதிகளுக்கான சட்டமன்ற தேர்தலில் 13 இடங்களை திமுக கைப்பற்றியுள்ளது. அதிமுக 9 இடங்களை மட்டும் பிடித்து ஆட்சியை தக்க வைத்துக்கொண்டது.

தமிழகத்தில் திமுக பெற்ற இந்த மகத்தான வெற்றி முதல்வர் எடப்படி பழனிச்சாமிக்கும், அதிமுக தொண்டர்களுக்கும் கடும் அதிர்ச்சியை கொடுத்துள்ளது. 9 சட்டமன்ற தொகுதிக மற்றும் தேனி தொகுதியில் எத்தனை கோடி பணத்தை இறைத்து அதிமுக வெற்றி பெற்றது என அதிமுக தொண்டர்களுக்கு நன்றாகவே தெரியும்.

திமுகவின் இந்த வெற்றி பாஜக தலைமைக்கும் அதிர்ச்சியை கொடுத்துள்ளது. அதோடு எடப்பாடி பழனிச்சாமி மீது கோபத்தையும் ஏற்படுத்தியுள்ளது. சட்டமன்ற தொகுதிகளில் வெற்றி பெற காட்டிய ஆர்வத்தை முதல்வர் மக்களவை தேர்தலில் காட்டவில்லை என புகாரும் சென்றுள்ளது. இதை பாஜகவும் உறுதியாக நம்புகிறது. டெல்லி பாஜக தலைமையிடம் நெருக்கம் காட்டி வரும் ஓபிஎஸ் இந்த சந்தர்ப்பத்தை பயன்படுத்தி ஆட்சி அல்லது கட்சியை கைப்பற்று திட்டம் தீட்டி வருவதாக செய்திகள் கசிந்துள்ளது.

மக்களவை தேர்தலில் அதிமுக சந்தித்த தோல்வியை காட்டி முதல்வரை மாற்றிவிட்டு தன்னை மீண்டும் முதல்வராக்க வேண்டும் என அவர் சார்பில் கோரிக்கை வைக்கப்படலாம். அது முடியவில்லை எனில், தன்னை அதிமுகவின் பொதுச்செயலாளராக நியமிக்க வேண்டும் என்கிற கோரிக்கையும் அவரிடம் இருக்கிறதாம். இதை அறிந்து அதிர்ச்சியான எடப்பாடி பழனிச்சாமி கட்சி மற்றும் ஆட்சியை தனது கட்டுப்பாட்டில் வைக்க என்ன செய்வது என்கிற ஆலோசனையில் முழ்கியுள்ளதாக கூறப்படுகிறது.

தேர்தல் தோல்விக்கு முழுப் பொறுப்பு – தலைவர் பதவியை ராஜினாமா செய்யும் ராகுல் !

தேர்தலில் காங்கிரஸ் கட்சியின் தோல்விக்குப் பொறுப்பேற்று காங்கிரஸ் தலைவர் பதவியில் இருந்து ராகுல் காந்தி பதவி விலகுவதாக அறிவித்துள்ளார்.

17 ஆவது மக்களவைத் தேர்தலில் வெறும் 52 தொகுதிகளில் மட்டுமே காங்கிரஸ் வெற்றி பெற்றுள்ளது. இதன் மூலம் தொடர்ந்து இரண்டாவது முறையாக பிரதான எதிர்க்கட்சி அந்தஸ்தை இழந்துள்ளது. இந்த தோல்விக்கு காங்கிரஸ் சார்பாகப் பலக் காரணங்கள் சொல்லப்பட்டு வருகின்றன. அமேதி தொகுதியில் ராகுலே தோல்வியடைந்துள்ளதால் அவரின் தலைமையும் பலத்த விமர்சனங்களுக்கு உள்ளாகியுள்ளது.

காங்கிரஸின் தோல்விக்குப் பொறுப்பேற்று பல மாநிலத் தலைவர்கள் தங்கள் பதவியை ராஜினாமா செய்துள்ளனர். இதையடுத்து இன்று காங்கிரஸ் கட்சியின் பொதுக்குழு டெல்லியில் கூடியது. இந்தக் கூட்டத்தில் மக்களவைத் தேர்தல் தோல்விக்குப் பொறுப்பேற்று காங்கிரஸ் கட்சியின் தலைவர் பதவியைத் தான் ராஜினாமா செய்வதாக ராகுல் காந்தி அறிவித்துள்ளதாக செய்திகள் வெளியாகியுள்ளன.