சேலம் எட்டு வழிச்சாலைக்கு எதிராக பேசியதாக கூறப்பட்ட நடிகர் மன்சூர் அலிகான் கைது செய்யப்பட்டதற்கான காரணத்தை சட்டசபையில் முதல்வர் எடப்பாடி பழனிசாமி தெரிவித்துள்ளார்.

தமிழக சட்டசபை கூட்டத்தொடரின் 15-ஆம் நாளான நேற்று காவல்துறை மாணியக்கோரிக்கை குறித்த விவாதம் நடைபெற்றது. இதில் எதிர்க்கட்சி தலைவர் மு.க.ஸ்டாலின் எழுப்பிய பல கேள்விகளுக்கு முதல்வர் உரிய விளக்கத்தை பதிலாக அளித்தார்.

அப்போது, சேலம் எட்டு வழிச் சாலை திட்டத்துக்கு எதிராகப் பிரச்சாரம் செய்பவர்கள் கைது செய்யப்படுவது தொடர்பாக ஸ்டாலின் கேள்வி எழுப்பினார். இதற்கு பதில் அளித்த முதல்வர் எடப்பாடி பழனிச்சாமி,மாநிலத்தின் தேவை கருதி சென்னை – சேலம் இடையே பசுமை வழிச் சாலை கண்டிப்பாக அமைக்கப்படும் என்றார்.

மேலும், நடிகர் மன்சூர் அலிகான், 8 வழிச்சாலை அமைத்தால் 8 பேரைக் கொல்லுவேன் என வன்முறையைத் தூண்டும் விதத்தில் பேசியுள்ளார். அதனால்தான் அவர் கைது செய்யப்பட்டார். விவசாயிகள் யாரும் கைது செய்யப்படவில்லை என விளக்கம் அளித்தார் முதல்வர் எடப்பாடி பழனிச்சாமி.

Loading...