Dead Man Alive – மின்சாரம் தாக்கி உயிரிழந்த வாலிபர் மீண்டும் உயிர் பெற்ற அதிர்ச்சி சம்பவம் அமெரிக்காவில் நடந்துள்ளது.

அமெரிக்காவின் மிச்சிகன் மகாணத்தில் உள்ள லிவோனியா பகுதியில் வசித்து வருபவர் மைக்கேல் ட்ரூர் (20). இவர் 2 தினங்களுக்கு முன்பு தனது வீட்டில் உள்ள ஏணியில் ஏறிய போது மின்சார கம்பிகள் மூலம் உடலில் மின்சாரம் பாய்ந்து தூக்கி வீசப்பட்டார்.

எனவே, அவர் அதே பகுதியில் அமைந்துள்ள பியூமோண்ட் மருத்துவமனையில் சேர்க்கப்பட்டார். ஆனால், சிகிச்சை பலனின்றி அவர் இறந்துவிட்டதாக மருத்துவர்கள் தெரிவித்தனர். அவரது உடலில் இருந்த மருத்துவ உயிர்காக்கும் கருவிகளும் அகற்றப்பட்டன. எனவே, அவரின் இறுதி சடங்குகளுக்காக வேலையில் உறவினர்கள் ஈடுபட்டிருந்தனர். அவரது உடலை மருத்துவமனையிலிருந்து எடுத்து செல்ல கொஞ்சம் காலதாமதம் ஆனது.

அப்போது, திடீரென என மைக்கேலின் உடல் அசைந்தது. இதைக்கண்டு ஆச்சர்யப்பட்ட மருத்துவர்கள் அவருக்கு மீண்டும் சிகிச்சை அளித்ததில் அவர் உயிர் பிழைத்தார். மின்சாரம் தாக்கியதில் அவரின் கை, கால் மரத்து போயிருந்தாலும் அவரின் இதயம் மட்டும் இறந்து போய்விடாமல் இருந்துள்ளது என மருத்துவர்கள் தெரிவித்துள்ளனர்.