செவ்வாய்க்கிழமை, செப்டம்பர் 26

சியான் விக்ரம் படத்தில் விஜய் டிவி டிடி

07:46 மணி

பிரபல இயக்குனர் கவுதம் மேனன் இயக்கத்தில் சீயான் விக்ரம் நடித்து வரும் ‘துருவ நட்சத்திரம்’ படத்தின் படப்பிடிப்பு விறுவிறுப்புடன் நடந்து வரும் நிலையில் தற்போது இந்த படத்தின் படப்பிடிப்பு பெல்ஜியம் நாட்டில் நடந்து வருகிறது.

இந்த நிலையில் இந்த படத்தில் புதியதாக விஜய் டிவி புகழ் டிடி என்ற திவ்யதர்ஷினி இணைந்துள்ளார். இந்த படத்தின் மிக முக்கிய கேரக்டர் ஒன்றுக்கு கவுதம்மேனன் பல நடிகைகளை பரிசீலித்து வந்ததாகவும், சமீபத்தில் அவர் பார்த்த பவர்பாண்டி படத்தில் டிடியின் நடிப்பு அருமையாக இருந்ததால், அந்த கேரக்டருக்கு அவரே சரியாக இருப்பார் என்று முடிவு செய்து அவரை அணுகியதாகவும் விக்ரம், கவுதம் மேனன் பட வாய்ப்பு என்றதும் உடனே டிடி நடிக்க ஒப்புக்கொண்டதாகவும் செய்திகள் வெளிவந்துள்ளது.

இந்த படத்திற்கு பின்னர் டிடிக்கு கோலிவுட்டில் அதிக படங்கள் கிடைக்க வாய்ப்பு இருப்பதாகவும், அந்த அளவுக்கு அவருக்கு இந்த படத்தில் பவர்புல் கேரக்டர் என்றும் கூறப்படுகிறது.

(Visited 48 times, 1 visits today)
The following two tabs change content below.
பிரிட்டோ

பிரிட்டோ

பத்திரிக்கை நிருபராக இந்த வலைதளத்தில் பணியாற்றுகிறார். சினிமா தொடர்பான அனைத்து நிகழ்ச்சிகளுக்கும் நேரில் சென்று பார்வையிட்டு சம்பவ இடத்திலிருந்தே செய்திகள் மற்றும் புகைப்படங்களை உடனுக்குடன் தளத்தில் பதிவேற்றம் செய்கிறார். நிருபர் பணியில் இவர் தமிழில் முன்னனி செய்தி தொலைக்காட்சிகளில் பணியாற்றிய அனுபவம் உள்ளவர் தொடர்புகொள்ள- 9600729393