தமிழகத்தில் மாலை 5 மணி வரை எத்தனை சதவீத வாக்குப்பதிவு என்பது பற்றிய தகவல் வெளிவந்துள்ளது.

தமிழகத்தில் நாடாளுமன்ற தேர்தலுக்கான வாக்குப்பதிவு இன்று காலை 7 மணிக்கு தொடங்கி மாலை 6 மணி வரை நடைபெறுகிறது. எனவே, பொதுமக்கள் காலை முதலே ஆர்வமாக வாக்களித்து வருகின்றனர்.

தமிழகத்தில் மதியம் 1 ஒரு மணி நிலவரப்படி 39.49 சதவீதம் வாக்குகள் பதிவாகியிருந்தது. அதிக பட்சமாக நாமக்கல் தொகுதியில் 41.56 சதவீதம் பதிவாகியிருந்தது. அதேபோல், 18 தொகுதிகளுக்காக சட்டப்பேரவை இடைத்தேர்தலில் 42.92 சதவீதம் வாக்குகள் பதிவாகியிருந்தது.

இந்நிலையில், தற்போது ஆறு மணியை நெருங்கி கொண்டிருக்கும் வேளையில், மாலை 5 மணி வரை 63.73 சதவீத வாக்குப்பதிவு நடந்துள்ளதாக தேர்தல் ஆணையர் சத்யபிரதா சாஹூ தெரிவித்துள்ளார். அதேபோல், 18 தொகுதிகளுக்காக சட்டப்பேரவை இடைத்தேர்தலில் 67.08 சதவீதம் வாக்குகள் பதிவாகியிருப்பதாக சாஹீ தெரிவித்துள்ளார்.

எனவே, 6 மணிவரை 72 – 75 சதவீத வாக்குகள் மட்டுமே பதிவாகும் என எதிர்பார்க்கப்படுகிறது.