தன்னை விட்டு பிரிந்து சென்ற தனது மனைவிக்கு நண்பர்கள் மூலம் பாலியல் தொல்லை கொடுத்த சைகோ கணவன் கைது செய்யப்பட்டுள்ளார்.

வேலூரில் வசிக்கும் குமார் என்பவர் சில அண்டுகளுக்கு முன்பு உமா என்கிற பெண்ணை திருமணம் செய்தார். ஆனால், தொடக்கம் முதலே இருவருக்கும் ஒத்துப்போகவில்லை. கருத்து வேற்பாட்டால் அடிக்கடி சண்டை நடந்துள்ளது. இதனால் விரக்தியடைந்த உமா, சில மாதங்களுக்கு முன்பு தனது தாய் வீட்டிற்கு சென்றுவிட்டார்.

இதனால் ஆத்திரமடைந்த அவரின் கணவர் குமார், தனது மனைவியை பழிவாங்க நினைத்தார். அதற்காக, மனைவியின் செல்போன் எண்ணை தனது நண்பர்களிடம் கொடுத்து, ஆபாசமாக பேசியுள்ளார். அவர்களும் தொடர்ந்து அவ்வாறே பேசி வந்தனர்.

இதனால் கடும் மன உளைச்சலுக்கு ஆளான உமா விஷம் குடித்து தற்கொலைக்கு முயன்றார். அதன் பின் அவரை மீட்ட அவரின் பெற்றோர் மருத்துவமனையில் சிகிச்சைக்காக சேர்த்துள்ளனர். அவரின் பெற்றோர் கொடுத்த புகாரின் பேரில் குமாரை கைது செய்த போலீசார் அவரிடம் விசாரணை நடத்தி வருகின்றனர்.