உலகநாயகன் கமல்ஹாசனின் டுவீட் என்றால் கட்சி சாராத அனைவரும் விரும்பி பார்க்கும் வகையில் கருத்தாழம் இருக்கும் என்பது தெரிந்ததே. குறிப்பாக அவர் தமிழக அரசை நேரடியாக எதிர்க்க தொடங்கியவுடன் அவரது டுவீட்டுகளில் அனல் பறந்தது.

ஆனால் எந்த கட்சியையும் சாராமல் டுவீட் செய்து கொண்டிருந்த கமல், திடீரென திமுக ஆதரவு பத்திரிகையான ‘முரசொலி’ பவளவிழாவில் கலந்து கொண்டதும், அதில் தற்காப்பு, தன்மானம் என ரஜினியை மறைமுகமாக தாக்கியதும் அனைவரையும் நெருடல் அடைய செய்தது.

இந்த நிலையில் நேற்றிரவு ‘நீட்தேர்வை ஒத்திப்போட மத்திய அரசு ஒத்துழைக்குமாம்.குதிரைகளை பிற்பாடும் பேரம் பேசலாம். மாணவர் எதிர்காலம் பற்றியது. தயைகூர்ந்து உடனே பேசுங்கள்’ என்று கமல் டுவிட்டரில் கூறியுள்ளார். இதே கமல்ஹாசன் தான் கடந்த மாதம் ‘பள்ளிப் படிப்பை கூட முடிக்காத எனக்கு நீட் தேர்வின் கொடுமை புரியவில்லை’ என்று டுவிட்டரில் தெரிவித்திருந்தார். அப்படியிருக்கும்போது ஒரே மாதத்தில் எப்படி அவர் நீட் குறித்து புரிந்து கொண்டார் என்று பலர் கேள்வி எழுப்பியுள்ளனர். கமல்ஹாசனுக்கு முதல்முறையாக எதிர்ப்பு கிளம்பியுள்ளது அவரது ரசிகர்களை அதிர்ச்சிஅடைய வவத்துள்ளது.