Grazy Mohan – சினிமா வசனகர்த்தா மற்றும் நடிகர் கிரேஸி மோகன் மரணம் குறித்து நடிகர் கமல்ஹாசன் உருக்கமான ஒரு அறிக்கையை வெளியிட்டுள்ளார்.

நாடக நடிகர் மற்றும் நடிகர், சினிமா வசனகர்த்தா, கதை, திரைக்கதை ஆசிரியர், ஓவியர் என பல்வேறு முகங்களை கொண்ட கிரேஸி மோகன் இன்று காலை திடீரென ஏற்பட்ட நெஞ்சுவலி காரணமாக சென்னையில் உள்ள ஒரு தனியார் மருத்துவமனையில் மரணமடைந்தார்.

இதையும் படிங்க பாஸ்-  தலைவன் இருக்கிறான்

இந்நிலையில், அவருடன் பல திரைப்படங்களில் பணியாற்றிய கமல்ஹாசன் ஒரு உருக்கமான அறிக்கையை வெளியிட்டுள்ளார். அதில் ‘நண்பர் கிரேசி மோகன் அவர்கள் மீது நான் பொறாமைப்படும் பலவற்றில் மிக முக்கியமான விஷயம் அவரது மழலை மாறாத மனசு. அது அனைவருக்கும் வாய்க்காது. பல நண்பர்கள் லௌகீகம் பழகிக்கிறேன் பேர்வழி என்று அந்த அற்புதமான குணத்தை இழந்திருக்கின்றனர்.

கிரேசி என்பது அவருக்குப் பொருந்தாத பட்டம். அவர் நகைச்சுவை ஞானி. அவரது திறமைகளை அவர் குறைத்துக் கொண்டு மக்களுக்கு ஏற்ற வகையில் ஜனரஞ்சகமாகத் தன்னைக் காட்டிக் கொண்டார் என்பது தான் உண்மை.

இதையும் படிங்க பாஸ்-  மறைந்த கிரேஸி மோகன் உடல் தகனம்...

பல்வேறு தருணங்களில் சாருஹாசன், சந்திரஹாசன், மோகன்ஹாசன் என்றும் வைத்துக் கொள்ளலாம் என்று பகிரங்கமாக தன் பாசத்தை வெளிக்காட்டியவர். அந்த நல்ல நட்பின் அடையாளமாக, இன்று அவரது சகோதரர் பாலாஜி அவர்களுடன் இணைந்து நண்பர் மோகன் அவர்களின் நெற்றில் கைவைத்து பிரியாவிடை கொடுத்தோம்.

இதையும் படிங்க பாஸ்-  பிக்பாஸ் முக்கியமில்லை குட்டிபாஸ் தான் முக்கியம்: கஸ்தூரி ட்வீட்

நட்பிற்கு முடிவு என்பது கிடையாது. ஆள் இருந்தால்தான் நட்பா என்ன? மோகன் அவர்களின் நகைச்சுவை அவரது ரசிகர்கள் மூலம் வாழும், அந்த வாழ்விற்கு நானும் துணையிருப்பேன். அவரது குடும்பம் ஒரு அற்புதமான கூட்டுக்குடும்பம். அவர்களுக்கு என்ன ஆறுதல் சொன்னாலும் ஆறாது, போதாது. இந்த இழப்பைத் தாங்கிக் கொள்ள அவர்கள் பழகிக் கொள்வதற்கு மனோதிடம் வாய்த்திட வேண்டுகிறேன்’ எனக் கூறியுள்ளார்.