Home சற்றுமுன் அரசியலுக்குள் நுழைவதற்காகத்தான் நடிக்கவே வந்தேன்: பிரபல நடிகர் பரபரப்பு பேட்டி

அரசியலுக்குள் நுழைவதற்காகத்தான் நடிக்கவே வந்தேன்: பிரபல நடிகர் பரபரப்பு பேட்டி

கன்னடத்தில் சூப்பர் ஸ்டாராக திகழ்பவர் நடிகர் உபேந்திரா. கன்னடத்தில் பல படங்களில் இவர் நடித்திருக்கிறார். தமிழில் விஷால் நடிப்பில் வெளிவந்த ‘சத்யம்’ படத்தில் முக்கியமான கதாபாத்திரத்தில் நடித்திருப்பார்.

இந்நிலையில், நடிகர் உபேந்திரா தனிக்கட்சி தொடங்கப்போவதாக பரபரப்பு அறிவிப்பு ஒன்றை வெளியிட்டுள்ளார். இவர் அரசியலில் இறங்குவது குறித்து தனது ரசிகர்கள் மற்றும் குடும்பத்தார்களோடு கலந்துபேசித்தான் இந்த முடிவை எடுத்ததாக கூறப்படுகிறது.

இதுகுறித்து அவர் கூறும்போது,  சிறுவயதில் இருந்தே எனக்கு அரசியலில் ஈர்ப்பு அதிகம். எனவே, அரசியலுக்கு வரும் எண்ணத்தில்தான் நடிக்கவே வந்தேன். சிறு வயதில் நான் சொன்ன கருத்துக்களை யாரும் ஏற்கவில்லை. எனவே, சமுதாயத்தில் பெரிய ஆளாக இருந்தால்தான் நாம் சொல்வது எடுபடும் என்பதை புரிந்துகொண்டுதான் சினிமாவுக்குள் நுழைந்தேன்.

அரசியலில் இறங்குவது குறித்து நண்பர்கள் மற்றும் குடும்பத்தார்களிடம் கருத்துக்களை கேட்டறிந்தேன். அதன்பிறகே கட்சி தொடங்கும் முடிவை எடுத்தேன். நிறைய அரசியல் தலைவர்கள் எனக்கு பிடித்தாலும், அவர்களின் கொள்கைகள் எனக்கு ஒத்து வராது எனவே தான் தனி அரசியல் கட்சி தொடங்குகிறேன்.

இவ்வாறு அவர் கூறினார்.