கேரளாவில் தங்கள் வளர்ப்புப் பிரானியான பூனை இறந்து ஓர் ஆண்டு ஆனதை அடுத்து அதன் உரிமையாளர்கள் முகம்சுழிக்கும் முறையில் நினைவஞ்சலில் செலுத்தியுள்ளனர்.

சாதி மனிதர்களை அடுத்து விலங்குகளையும் பிடித்துக்கொள்ள தொடங்கி விட்டது. 2000 ஆண்டுகளாக இந்தியாவை ஆட்டிப்படைத்து மனிதர்களை உயர்ந்தவர் தாழ்ந்தவர் என ஒடுக்கும் சாதி எனும் நோய் இன்னமும் ஒழிந்தபாடில்லை. இந்தியாவிலேயே முற்போக்கு மாநிலம் எனக் கருதப்படும் கேரளாவிலும் இதற்கு விதிவிலக்கல்ல.

21 ஆம் நூற்றாண்டிலும் சாதி எவ்வளவு உக்கிரமாக இருக்கிறது என்பதற்கு எடுத்துக்காட்டாக சமீபத்தில் ஒரு வினோத சம்பவம் நடந்துள்ளது. கேரளாவைச் சேர்ந்த குடும்பம் தங்கள் வீட்டில் வளர்த்த பூனை ஒன்று இறந்ததை அடுத்து அதற்கு முதலாமாண்டு நினைவஞ்சலி செலுத்தும் விதமாக செய்தித் தாளில் ஒருக் குடும்பம் விளம்பரம் கொடுத்துள்ளது.

ஓராண்டுக்கும் மேலாக தங்கள் வளர்ப்புப் பிராணி மேல் பாசம் வைத்திருக்கும் குடும்பம், மற்றுமொரு அருவருக்கத்தக்க சம்பவத்தையும் செய்துள்ளது. அந்த பூனையின் செல்லப்பெயரான சுஞ்சுவுக்கு பின் தங்கள் சாதி பெயரான நாயரும் சேர்த்து விளம்பரம் வெளியிடுள்ளனர். இதனால் விலங்குகளுக்குள்ளும் ஜாதி பார்க்கும் அவலம் நேர்ந்துள்ளதை சமூகவலைதளங்களில்  நெட்டிசன்கள் கலாய்க்க ஆரம்பித்துள்ளனர்.