Mr. Local movie pictures : சிவகார்த்திகேயனும் நயன்தாராவும் இணைந்து நடிக்கும் மிஸ்டர் லோக்கல் திரைப்படம் தொடர்பான புகைப்படங்கள் வெளியாகியுள்ளன.

சிவா மனசுல சக்தி, பாஸ் என்கிற பாஸ்கரன் உள்ளிட்ட சில படங்களை இயக்கிய ராஜேஷ் இயக்கி வரும் படம் மிஸ்டர் லோக்கல். இப்படத்தில் சிவகார்த்திகேயன், நயன்தாரா, சதீஷ் உள்ளிட்ட பலரும் நடித்துள்ளனர்.

இந்நிலையில், இப்படம் தொடர்பான சில புகைப்படங்களை படக்குழு வெளியிட்டுள்ளது. இந்த புகைப்படங்களை சிவகார்த்திகேயன் மற்றும் நயன்தாரா ரசிகர்கள் சமூகவலைத்தளங்களில் வைரலாக பரப்பி வருகின்றனர். இதையடுத்து #MrLocal என்கிற ஹேஷ்டேக் டிவிட்டரில் இன்று முதலிடத்தில் இருக்கிறது.

வேலைக்காரன் படத்தில் சிவகார்த்திகேயனோடு நயன்தாரா இணைந்து நடித்தாலும், அதிக காட்சிகள் இடம் பெறவில்லை. எனவே, அந்த குறை இந்த படத்தில் தீர்ந்துள்ளது.