ரஞ்சித்-ரஜினி அடுத்த படம் ; சென்னையில் உருவாகி வரும் செட்

இயக்குனர் ரஞ்சித் இயக்கத்தில் ரஜினிகாந்த் நடிக்கும் அடுத்த படத்திற்காக சென்னையில் மும்பை போன்ற செட் தயாராகி வருகிறது.

ரஜினிகாந்த் தற்போது ஷங்கர் இயக்கத்தில் 2.0 படத்தில் நடித்து வருகிறார். இந்த படத்தின் படப்பிடிப்பு முடிவடைந்தவுடன், ரஜினிகாந்த் பா.ரஞ்சித் இயக்கத்தில் நடிக்கிறார். இந்த படத்தின் கதை மும்பையில் வாழ்ந்த ஹாஜி மஸ்தான் என்பவரின் கதை என ஏற்கனவே செய்திகள் வெளியானது. ஆனால், இந்த தகவலை ரஞ்சித் படக்குழு மறுத்தது.

இந்நிலையில், ரஞ்சித் படத்திற்காக சென்னையில் உள்ள ஸ்டுடியோ ஒன்றில் மும்பை தாராவி போன்ற செட் ஒன்று அமைக்கப்பட்டு வருகிறது. இம்மாத்தின் இறுதியின் படப்பிடிப்பு தொடங்கலாம் என எதிர்பார்க்கப்படுகிறது. எனவே, இந்த படம் ஹாஜி மஸ்தானை பற்றிய கதையாகத்தான் இருக்கும் எனக் கூறப்படுகிறது.

நாயகன் படத்தை இயக்கிய மணிரத்னம், மும்பை தாராவியை சென்னையில் செட் போட்டுதான் படமாக்கினார் என்பது குறிப்பிடத்தக்கது.