செவ்வாய்க்கிழமை, அக்டோபர் 17

காட்டேரியாக மாறும் ஓவியா

12:37 மணி

Loading...

பிக்பாஸ் நிகழ்ச்சிக்கு பிறகு ஓவியாவின் மார்க்கெட் தமிழ் சினிமாவில் எகிறியுள்ளது என்றுதான் சொல்லவேண்டும். அந்த வரிசையில் தொடர்ச்சியாக பல படங்களில் நடிக்க ஒப்பந்தமாகியுள்ளார். அதேபோல், இவர் தனது சம்பளத்தை அதிகரித்துள்ளதால், ஏற்கெனவே இவர் நடித்த படங்களின் இரண்டாம் பாகங்களில் இருந்து தூக்கி எறியப்பட்டிருக்கிறார்.

இருப்பினும், ஓவியாவுக்கு மார்க்கெட் குறைந்தபாடில்லை. சந்தோஷ் ஜெயக்குமார் இயக்கத்தில் கவுதம் கார்த்திக்குடன் இணைந்து ‘இருட்டு அறையில் முரட்டு குத்து’ என்ற பேய் படத்தில் நடித்துவரும் ஓவியாவுக்கு அடுத்ததாக மீண்டும் ஒரு பேய் படத்தில் நடிக்கும் வாய்ப்பு கிடைத்துள்ளது. அந்த படத்திற்கு ‘காட்டேரி’ என்று தலைப்பு வைத்துள்ளனர்.

இந்த படத்தை ‘யாருமிக்க பயமே’ என்ற படத்தை இயக்கிய டி.கே. இயக்குகிறார். நாயகனாக ஆதித்யா சாய்குமார் அறிமுகமாகிறார். காமெடி கலந்து பேய் படமாக உருவாக இருக்கும் இப்படத்தை ஸ்டுடியோ கிரீன் சார்பில் கே.வி.ஞானவேல்ராஜா தயாரிக்கிறார். இப்படத்தின் படப்பிடிப்பு விரைவில் தொடங்கவிருக்கிறது.

(Visited 36 times, 1 visits today)
The following two tabs change content below.
s அமுதா

s அமுதா

இவர் செய்திகள் பிரிவிற்கு ஒரு வருடகால அனுபவம் வாய்ந்தவர்.மருத்துவம் மற்றும் மகளிருக்கான கட்டுரைகள் எழுதுவதில் அனுபவம் வாய்ந்தவர். ஆங்கிலத்திலிருந்து தமிழ் மொழிப்பெயர்ப்பு செய்வதில் நல்ல புலமை உள்ளவர். இந்த வலைதளத்தில் இவர் தொலைக்காட்சி சீரியல்கள் மற்றும் சின்னத்திரை தொடர்பான செய்திகளில் கவனம் செலுத்தி வருகிறார். தொடர்புகொள்ள- amukrishnan.b@gmail.com