பிக்பாஸ் நிகழ்ச்சியின் வெற்றிக்கு ஓவியாவும் ஒரு காரணம் என்று சொல்லலாம். ஓவியா பிக்பாஸ் வீட்டுக்குள் இருந்தவரைக்கும் அந்த நிகழ்ச்சியின் டிஆர்பி ரேட் உச்சத்தில் இருந்தது. ஆரவ் உடனான காதல், தற்கொலை முயற்சி, மன உளைச்சல் என ஒட்டுமொத்த பிரச்சினையும் ஓவியா, பிக்பாஸ் வீட்டை விட்டு வெளியே வர காரணமாய் அமைந்துவிட்டது.

இருப்பினும், ஓவியா மீண்டும் பிக்பாஸ் வீட்டுக்குள் வரவேண்டும் என்பது ஒன்றை கோடி ரசிகர்களின் ஆவலாக இருந்து வந்தது. ஆனால், ஓவியாவோ தன்னால் இனிமேல் பிக்பாஸ் வீட்டுக்குள் போக முடியாது என்று தடாலடியாக அறிவித்து விட்டார். தற்போது பிக்பாஸ் நிகழ்ச்சி இறுதிக்கட்டத்தை நெருங்கி வரும் சமயத்தில் மீண்டும் ஓவியா பிக்பாஸ் வீட்டுக்கு வரப் போகிறார் என்ற செய்தி காட்டுத் தீயாய் பரவி வருகிறது.

அதாவது, அவர் வீட்டுக்குள் வரவில்லை. பிக்பாஸ் நிகழ்ச்சியின் 100-வது நாள் நிகழ்ச்சியின்போது ஓவியா கலந்துகொள்ளவிருப்பதாக செய்திகள் வெளியாகியுள்ளது. மேலும், இந்த போட்டியில் கலந்துகொண்ட அனைவருமே இந்த நிகழ்ச்சியில் கலந்துகொள்வார்கள் என்றும் கூறப்படுகிறது.