மெர்சல் பட விழா பேச்சு ; நான் காசுக்கு மாரடிக்கவில்லை – பார்த்திபன் விளக்கம்

நடிகர் விஜய் நடித்த மெர்சல் படத்தின் ஆடியோ வெளியீட்டு விழா நேற்று நடைபெற்றது.

அதில் கலந்து கொண்டு பேசிய நடிகர் பார்த்திபன், விஜயை மிகவும் புகழ்ந்து பேசினார். விஜய்தான் Best CM-னு அமெரிக்க அதிபர் டிரம்பே விரைவில்  டிவிட் செய்வார் – CM எனில் கலெக்‌ஷன் மன்னன் என ஏகத்துக்கும் பாராட்டினார்.

இதையடுத்து சமூக வலைத்தளங்களில் ‘கொடுத்த காசுக்கு மேல கூவறாரு’ என அவரை கிண்டலடித்தனர். அதற்கு தனது சமூக வலைத்தள பக்கங்களில் அவர் விளக்கம் அளித்துள்ளார். அதில் அவர் குறிப்பிட்டுள்ளதாவது:

காசுக்கு மாரடிக்காத Mass-ஆன பேச்சுக்கு
மாசு நிறைந்த ஏச்சுக்கு ஆளானது இதுவே முதன்முறை!
வாயார/மனதார வாழ்த்துவது என் மேடை நாகரீகம்.
அவர் அழைத்தாலும் தலை நிமிர இப்படி சொல்வேன்.

“வேகத்தை விட விவேகம் பெருசு
ஆனா விவேகத்தை விட  அஜீத்தே பெருசு!”-
நான் கலைஞர்கள் அனைவருக்கும் நண்பன்.
ஆனால் சினிமாவுக்கு மட்டுமே ரசிகன்.
‘ஆளப்போறான்(?)சிறந்த(?)மனிதன்(?)
வாழப்போறான் விவசாயி’-அதுவே

நம்பிக்கை நிறைந்த என் பேச்சின் மெரஸலான மெசேஜ்!”
என அவர் குறிப்பிட்டுள்ளார்.