illayaraja

எலெக்ட்ரானிக் இசையை விட்டுவிட்டு, உண்மையான இசைக்கருவிகளை உபயோகியுங்கள்’ என இளம் இசையமைப்பாளர்களுக்கு இளையராஜா வேண்டுகோள் விடுத்துள்ளார்.

‘பிக் பாஸ்’ புகழ் ஹரிஷ் கல்யாண் – ரைஸா வில்சன் இணைந்து காதலித்திருக்கும்(நடிச்சுருக்கும்) படம் ‘பியார் பிரேமா காதல்’.

ஹரிஷ் – ரைஸா உருகி உருகி காதலிக்கும் இப்படத்துக்க காதல் இசையில் மன்னனாக வலம் வரும் யுவன்சங்கர் ராஜா இசைமைத்துள்ளார். படத்தின் தயாரிப்பாளரும் இவர்தான். இளன் இயக்கியுள்ள இந்தப் படத்தில், ரேகா மற்றும் ஆனந்த் பாபு இருவரும் முக்கிய வேடங்களில் நடித்துள்ளனர். இந்த படத்தின் இசை வெளியீட்டு விழா, பிரமாண்டமாக நேற்று நடைபெற்றது. இசையமைப்பாளர் இளையராஜா கலந்துகொண்டு இசையை வெளியிட்டார். அப்போது பேசிய யுவன்சங்கர் ராஜா “நான் 120 படங்களுக்கு இசையமைத்திருக்கிறேன். ஆனால், எந்தப் படத்தின் விழாவுக்கும் அப்பா வந்ததே இல்லை. ‘நான் வந்து உன்னை புரமோட் பண்ண மாட்டேன்’ என்று சொல்லிவிட்டார். ‘இப்போ படம் தயாரிச்சிருக்கேன், வாங்க’னு சொன்னேன்… வந்துட்டேன்” என்றார்.

அப்போது மேடையேறிய இளையராஜா, “பியார் பிரேமா காதலுக்காக நான் இங்கு வந்திருக்கிறேன். அன்புக்காகத்தான் இங்கு வந்திருக்கிறேன். இந்தப் படத்தை முதன்முதலாகத் தயாரித்திருப்பதால், என் ஆசிர்வாதம் யுவனுக்கு இருக்க வேண்டும் என்பதற்காக இங்கு வந்திருக்கிறேன். இசையமைப்பாளர்கள் எலெக்ட்ரானிக் இசையை விட்டுவிட்டு, உண்மையான இசைக்கருவிகளை உபயோகியுங்கள். அதுதான் ஆன்மாவை எழுப்பும், புத்துணர்ச்சியோடு வைத்திருக்கும்” என்று வேண்டுகோள் வைத்தார் இளையராஜா