வேட்டை நாய் படத்தில் ஹீரோவாக களம் இறங்கும் ஆர்.கே.சுரேஷ்..

09:03 மணி

தமிழ் சினிமா தயாரிப்பாளர் ஆர்.கே.சுரேஷ் கதாநாயகனாக நடிக்க இருக்கிறார்.

விநியோகஸ்தராகவும், தயாரிப்பாளராகவும் இருந்த ஆர்.கே.சுரேஷை, இயக்குனர் பாலா, தாரைப்பட்டை படத்தில் வில்லன் வேடத்தில் நடிக்க வைத்தார். அந்த வேடத்தில் மிரட்டலான நடிப்பை வெளிப்படுத்தியிருந்தார். தற்போது தனிமுகம், பில்லா பாண்டி ஆகிய படங்களில் முக்கிய கதாபாத்திரத்தில் நடித்து வருகிறார்.

இந்நிலையில், நடிகர் அப்புக்குட்டியை வைத்து ‘மன்னாரு’ படத்தை இயக்கிய எஸ்.ஜெய்சங்கர், சமீபத்தில் சுரேஷை சந்தித்து ஒரு கதையை சொல்ல முயன்றுள்ளார். அப்போது, தற்போது கால்ஷீட் இல்லை, ஆர்வம் இல்லை என பல்வேறு காரணங்கள் கூறி தவிர்க்க முயன்றுள்ளார். ஆனால், கதையை கேட்டு உங்கள் முடிவை சொல்லுங்கள் எனக் கூறி, அவரிடம் கதையை கூறியுள்ளார் ஜெய்சங்கர். முழுக்கதையையும் கேட்டவுடன், படப்பிடிப்பிற்கு எப்போது செல்லலாம் என ஆர்வமாக கேட்டாராம் சுரேஷ். அந்த அளவிற்கு அப்படத்தின் கதை அவரை ஈர்த்துள்ளதாம்.

இப்படத்திற்கு வேட்டை நாய் எனப் பெயர் வைக்கப்பட்டுள்ளது. இந்த படத்தை சுரேஷின் தாய் மூவிஸ் நிறுவனமே தயாரிக்கிறது. அவருக்கு ஜோடியாக கடுகு படத்தில் நடித்த சுபிஷா நடிக்க இருக்கிறார்.

மோசமான முரடனாக உள்ள ஒருவனின் வாழ்க்கையை, உலகமே தெரியாத, குழந்தைத்தனம் கொண்ட ஒரு பெண் எப்படி மாற்றுகிறார்கள். அவர்கள் இருவரும் என்னென்ன பிரச்சனையை சந்திக்கின்றனர் என்பதுதான் கதை. கொடைக்கானல் மற்றும் அதை சுற்றியுள்ள பகுதிகளில், இப்படத்தின் படப்பிடிப்பு விரைவில் தொடங்கவுள்ளது.

(Visited 14 times, 1 visits today)
The following two tabs change content below.
மகாலட்சுமி
இவர் இணையதள செய்திகள் பிரிவில் 5 ஆண்டுகள் பணியாற்றிய அனுபவம் உள்ளவர். சினிமா மட்டுமல்லாமல் தமிழகம் மற்றும் இந்தியாவில் நடைபெறும் முக்கிய சம்பவங்களை உடனுக்குடன் கொட்டுப்பதில் முதன்மையானவர். ஆங்கிலத்திலிருந்து தமிழுக்கு மொழிப்பெயர்ப்பதில் சிறப்பு புலமை வாய்ந்தவர். சினிமா துறையில் முக்கிய நிகழ்வுகள் மற்றும் பழம்பெரும் நடிக- நடிகைகள், இயக்குனர்கள் குறித்த சுவையான சம்பவங்களை தொகுத்து சிறப்பு கட்டுரைகளாக வழங்குவதில் பெயர் பெற்றவர். தொடர்புகொள்ள- mahamurugan@gmail.com