Indian 2 update – இந்தியன் 2 படம் கடந்த ஜனவரி மாதம் ஆரம்பித்து சில நாட்கள் படப்பிடிப்பு நடந்து பின்பு சில பல காரணங்களால் தள்ளி வைக்கப்பட்டது.

பல கட்ட பேச்சுவார்த்தைகளுக்குப் பிறகு இப்படத்தின் படப்பிடிப்பு இப்போது மீண்டும் துவங்கவுள்ளது. இதற்காக கமல், ஷங்கர் உள்ளிட்டவர்கள் தயாராகி வருகின்றனர்.

இப்படத்தில் முக்கிய வேடத்தில் சிம்பு நடிப்பதாக இருந்தது. அதன்பின் சித்தார்த் ஒப்பந்தம் செய்யப்பட்டார். அவருக்கு ஜோடியாக காஜல் அகர்வால் நடிப்பதாக இருந்தது. ஆனால், கொடுத்த தேதிகள் முடிந்துவிட்டதாகவும், இப்போது மீண்டும் தேதிகள் வேண்டும் என்றால் நஷ்ட ஈடு கொடுக்க வேண்டும் எனக் கேட்டதால், அவரை நீக்கியுள்ளதாகக் கூறப்படுகிறது. மேலும், ப்ரியா பவானிசங்கர் மற்றும் ஐஸ்வர்யா ராஜேஷ் ஆகியோர் தேர்வு செய்யப்பட்டு படத்தில் இணைக்கப்பட்டுள்ளதாகவும் தகவல்கள் வெளிவந்துள்ளது.

இந்நிலையில், காஜல் அகர்வால் நடிக்கவிருந்த கதாபாத்திரத்தில் நடிக்க நடிகை ப்ரீத் சிங் ஒப்பந்தம் செய்யப்பட்டிருப்பதாக தற்போது செய்திகள் வெளிவந்துள்ளது. இந்தியன் 2 வின் படப்பிடிப்பு வருகிற ஆகஸ்டு மாதம் துவங்கவுள்ளது.