S.J. Suriyah – ஏ.ஆர்.முருகதாஸ் இயக்கத்தில் ரஜினி நடிக்கும் புதிய படத்தில் வில்லனாக நடிக்க இயக்குனர் மற்றும் நடிகர் எஸ்.ஜே.சூர்யாவிடம் பேச்சு வார்த்தை நடத்தப்பட்டு வருவது தெரியவந்துள்ளது.

பேட்ட படத்திற்கு பின்னர் ஏ.ஆர்.முருகதாஸ் இயக்கும் ஒரு புதிய படத்தில் ரஜினி நடிக்கவுள்ளார் என்பது ஏற்கனவே வெளியான செய்தி. இப்படம் ரஜினிக்கு 166வது படமாகும். பிரபல லைக்கா நிறுவனம் தயாரிக்கும் இப்படத்தில் அவருக்கு ஜோடியாக நயன்தாரா நடிக்கவுள்ளார். மற்றொரு வேடத்தில் கீர்த்தி சுரேஷும் நடிக்க இருக்கிறார். இப்படத்திற்கு அனிருத் இசையமைக்கவுள்ளார். மேலும், சந்தோஷ் சிவன் இப்படத்திற்கு ஒளிப்பதிவு செய்யவுள்ளார். இப்படத்தின் படப்பிடிப்பு வருகிற 10ம் தேதி மும்பையில் தொடங்கவுள்ளது.

இதையும் படிங்க பாஸ்-  என்.ஜி.கே. ரிலீஸ் தேதி அறிவிப்பு - பெருமூச்சு விட்ட சூர்யா ரசிகர்கள்

இந்நிலையில், இப்படத்தில் வில்லனாக நடிக்க எஸ்.ஜே.சூர்யாவிடம் முருகதாஸ் பேசி வருகிறாராம். ரஜினி படம் என்பதால் மிகவும் சந்தோஷத்துடன் நடிக்க அவர் ஒப்புக்கொள்வார் எனத் தெரிகிறது. முருகதாஸ் இயக்கிய ஸ்பைடர் படத்தில் எஸ்.ஜே.சூர்யா ஏற்கனவே வில்லனாக நடித்துள்ளார் என்பது குறிப்பிடத்தக்கது.

இதையும் படிங்க பாஸ்-  க்ரைம் த்ரில்லர் படமான ‘தடம்’ ரிலீஸ் ஒத்தி வைப்பு!

இதுபற்றிய அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.