ஞாயிற்றுக்கிழமை, செப்டம்பர் 24

நன்றி தலைவா – டிவிட்டரில் நெகிழ்ந்த சச்சின்

08:56 காலை

இந்திய கிரிக்கெட் வீரர் சச்சின் பற்றி வெளியாக உள்ள திரைப்படம் தொடர்பாக, நடிகர் ரஜினிகாந்த் சமீபத்தில் சச்சினுக்கு வாழ்த்து தெரிவித்திருந்தார். அதற்கு, சச்சின் நன்றி தெரிவித்துள்ளார்.

இந்திய கிரிக்கெட் ரசிகர்கள் மனதில் சிம்மாசனம் போட்டு அமர்ந்திருப்பவர் சச்சின் தெண்டுல்கர். தனது பேட்டிங் திறமை மூலம் கிரிக்கெட்டில் பல சாதனைகளை படைத்தவர். எனவே, இவரது வாழ்க்கை வரலாறு ‘சச்சின் எ பில்லியன் ட்ரீம்ஸ்’ என்கிற தலைப்பில் ஒரு சினிமாவாக தயாராகியுள்ளது. இப்படத்திற்கு ஏ.ஆர்.ரகுமான் இசையமைத்துள்ளார். இந்தப்படம் வருகிற மே மாதம் 26ம் தேதி வெளியாக உள்ளது. சமீபத்தில், இப்படத்தின் டிரெய்லர் வெளியிடப்பட்டது.

இதைப் பார்த்த நடிகர் ரஜினிகாந்த், தனது டிவிட்டர் பக்கத்தில் சச்சினுக்கு வாழ்த்து தெரிவித்திருந்தார். “அன்பிற்குரிய சச்சின், இந்த படம் வெற்றி பெற வாழ்த்துகிறேன். கடவுள் உங்களை ஆசிர்வதிப்பார்” எனக் குறிப்பிட்டிருந்தார்.

இதைக் கண்டு நெகிழ்ந்து போன சச்சின், தனது டிவிட்டர் பக்கத்தில் “ நன்றி தலைவா. இந்த படத்தை தமிழில் பாருங்கள். உங்களுக்கு பிடிக்கும்” எனக்கூறி, ட்ரெய்லரின் தமிழ் பதிப்பை இணைத்து பதிவு செய்துள்ளார்.

சமீபத்தில், கிரிக்கெட் வீரர் தோனியின் வாழ்க்கை வரலாற்றை கூறும், தோனி படம் வெளியாகி வெற்றி பெற்றது. அந்த படம் வெளியான போது, நடிகர் ரஜினியை தோனி சந்தித்து வாழ்த்து பெற்றார் என்பது குறிப்பிடத்தக்கது.

(Visited 13 times, 1 visits today)
The following two tabs change content below.
மகாலட்சுமி
இவர் இணையதள செய்திகள் பிரிவில் 5 ஆண்டுகள் பணியாற்றிய அனுபவம் உள்ளவர். சினிமா மட்டுமல்லாமல் தமிழகம் மற்றும் இந்தியாவில் நடைபெறும் முக்கிய சம்பவங்களை உடனுக்குடன் கொட்டுப்பதில் முதன்மையானவர். ஆங்கிலத்திலிருந்து தமிழுக்கு மொழிப்பெயர்ப்பதில் சிறப்பு புலமை வாய்ந்தவர். சினிமா துறையில் முக்கிய நிகழ்வுகள் மற்றும் பழம்பெரும் நடிக- நடிகைகள், இயக்குனர்கள் குறித்த சுவையான சம்பவங்களை தொகுத்து சிறப்பு கட்டுரைகளாக வழங்குவதில் பெயர் பெற்றவர். தொடர்புகொள்ள- mahamurugan@gmail.com