திருவாரூர் தொகுதி இடைத்தேர்தல் குறித்து திமுக தலைவர் ஸ்டாலின் தெரிவித்துள்ள கருத்து பரபரப்பை ஏற்படுத்தியுள்ளது.

கருணாநிதியின் மறைவையடுத்து திருவாரூர் இடைத்தேர்தலில் வருகிற 28ம்தேதி இடைத்தேர்தல் நடைபெறும் என தேர்தல் ஆணையம் ஏற்கனவே அறிவிக்கப்பட்டுள்ளது. ஆனால், கஜா புயலால் பாதிக்கப்பட்ட பகுதியான திருவாரூரில் தற்போது தேர்தல் நடைபெற்றால் அது நிவாரணப் பணிகளை பாதிக்கும். எனவே, சிறிது காலம் கழித்து அங்கு தேர்தல் நடத்தலாம் என உச்ச நீதிமன்றதில் மனு தொடரப்பட்டுள்ளது.

இதையும் படிங்க பாஸ்-  இளையதளபதி விஜய்யின் நன்றி அறிக்கை

அதேபோல், திருவாரூர் தொகுதி இடைத்தேர்தலை நிறுத்துவது தொடர்பாக, இந்திய தலைமை தேர்தல் ஆணையர் மற்றும் ஆணையர்களை நேற்று இந்திய கம்யூனிஸ்ட் கட்சி தேசியச் செயலாளர் டி.ராஜா சந்தித்து பேசினார்.

எனவே, திருவாரூர் தொகுதியில் தேர்தலை நடத்தலாமா வேண்டமா என்பது பற்றி ஆய்வு செய்து அறிக்கை தாக்கல் செய்யும் படி மாவட்ட தேர்தல் அதிகாரிக்கு தலைமை தேர்தல் அதிகாரி சத்தியபிரதா சாஹூ உத்தரவிட்டுள்ளார்.

இதையும் படிங்க பாஸ்-  அண்ணன் - தங்கை இடையே காதல் : சர்ச்சையை கிளப்பும் சினிமா

இதைத் தொடர்ந்து ஸ்டாலின் தனது டிவிட்டர் பக்கத்தில் “திருவாரூர் இடைத்தேர்தல் குறித்து இந்திய தேர்தல் ஆணையம் கேட்டுள்ள அறிக்கையை, அனைத்து அரசியல் கட்சிகள் மற்றும் திருவாரூர் மாவட்டத்துக்குட்பட்ட முக்கிய பிரமுகர்கள், விவசாய சங்க பிரதிநிதிகளின் கருத்துகளைக்கேட்டு மாவட்ட தேர்தல் அதிகாரி அறிக்கை அனுப்ப வேண்டும் என்று கேட்டுக்கொள்கிறேன்” என பதிவிட்டுள்ளார்.

தேர்தல் ஆணையம் தேர்தலை அறிவித்துவிட்டால், அரசியல் கட்சிகள் அதை சந்திக்க உறுதியாக இருக்க வேண்டும். ஆனால், ஸ்டாலின் ஏன் இதுபோல் ஒரு கருத்து தெரிவித்துள்ளார்?. கருணாநிதி இல்லாத நிலையில் திருவாரூரில் இடைத்தேர்தலை சந்திக்க திமுக பயப்படுகிறது என டிடிவி தினகரன் பேட்டியளித்துள்ளார். மேலும், அதிமுக செய்தி தொடர்பாளர் வைகைசெல்வனும் இதே கருத்தை கூறியுள்ளது குறிப்பிடத்தக்கது.

இதையும் படிங்க பாஸ்-  ஜெயலலிதாவுக்கு மோடியே பயப்படுவார் - சி.வி.சண்முகம் இப்படி பேசலாமா?

எனவே, இடைத்தேர்தலை சந்திக்க ஸ்டாலின் பயப்படுகிறாரா என்ற கேள்வியை பலரும் சமூக வலைத்தளங்களில் எழுப்பி வருகின்றனர்.