விஜய் டிவியில் கடந்த இரண்டு மாதங்களாக ஒளிபரப்பாகி வரும் பிக்பாஸ் நிகழ்ச்சிக்கு ஓவியா இருந்தவரை நல்ல வரவேற்பு கிடைத்தது. ஆனால் ஓவியாவை கார்னர் செய்து காய்த்ரி கோஷ்டியினர் வெளியேற்றிய பின்னர் விறுவிறுப்புடன் சென்று கொண்டிருந்த நிகழ்ச்சி ஆமையைவிட மெதுவானது. போரடிக்கும் டாஸ்க், பார்த்த முகத்தையே பார்ப்பது போன்றவற்றால் பார்வையாளர்கள் வெறுப்படைந்தனர்.

இந்த நிலையில் ஓவியா வெளியேறியவுடன் வேறு பிரபலங்களை பிக்பாஸ் வீட்டின் உள்ளே புகுத்த சேனல் நிர்வாகம் கடந்த சில நாட்களாக தீவிர முயற்சியில் இருந்தது. பல பிரபலங்கள் பிக்பாஸ் வீட்டிற்கு செல்ல மறுத்துவிட்டதாக கூறப்படும் நிலையில் இன்று புதிய வரவாக நடிகை சுஜா வருணே பிக்பாஸ் வீட்டிற்குள் நுழைந்துள்ளார்

பிக்பாஸ் வீட்டில் புதியதாக நுழைந்த பிந்துமாதவியால் நிகழ்ச்சியை சிறிது கூட சுவாரஸ்யமாக மாற்ற முடியவில்லை. அப்படி இருக்கும்போது சுஜா வருணே மட்டும் திருப்பத்தை ஏற்படுத்துவாரா? என்பதை பொறுத்திருந்து பார்ப்போம். இருப்பினும் உலக அழகியே வந்தாலும் ஓவியா இல்லாவிட்டால் பிக்பாஸ் நிகழ்ச்சியை பார்க்க மாட்டோம் என்று ஓவியா ஆர்மியினர் டுவிட்டரில் பதிவு செய்து வருகிறனர்.