Supreme court ban – எம்.எல்.ஏக்களுக்கு சபாநாயகர் அனுப்பிய நோட்டீசுக்கு தடை விதித்து உச்ச நீதிமன்றம் பரபரப்பு தீர்ப்பை வழங்கியுள்ளது.

தினகரனுக்கு ஆதரவாக செயல்படுவதாக கூறி அதிமுக எம்.எல்.ஏக்கள் ரத்தின சபாபதி, கலைச்செல்வன், பிரபு ஆகிய 3 பேருக்கும் சபாநாயகர் தனபால் நோட்டீஸ் அனுப்பியிருந்தார். எனவே, அவர்கள் தகுதி நீக்கம் செய்யப்பட வாய்ப்பிருப்பதாக கருதப்பட்டது.

அதைத் தொடர்ந்து, சபாநாயகர் மீது நம்பிக்கையில்லா தீர்மானம் கொண்டு வருவோம் என அறிவித்தது. மேலும், நம்பிக்கையில்லா தீர்மானம் கொண்டு வரப்படவுள்ள நிலையில், சபாநாயகரின் நடவடிகைக்கு தடை விதிக்க வேண்டும் என திமுக சார்பில் உச்ச நீதிமன்றத்தில் வழக்கு தொடரப்பட்டது. அதேபோல், இதே காரணத்தை கூறி சபாநாயகரின் நடவடிக்கைக்கு எதிராக ரத்தின சபாபதி, கலைச்செல்வன் ஆகியோரும் உச்ச நீதிமன்றத்தில் வழக்கு தொடர்ந்தனர்.

இந்நிலையில், இந்த வழக்கில் இன்று தீர்ப்பு வழங்கிய உச்ச நீதிமன்றம் சபாநாயகரின் நடவடிக்கைக்கு இடைக்காலத்தடை விதித்து தீர்ப்பளித்துள்ளது. எனவே, சபாநாயகரின் நோட்டூசுக்கு விளக்கம் அளிக்க வேண்டிய அவசியம் அந்த 3 எம்.எல்.ஏக்களுக்கு இல்லை என்பது குறிப்பிடத்தக்கது.

அதேபோல், இது அதிமுகவிற்கு பின்னடைவாக கருதப்படுகிறது.