பாண்டிராஜ் இயக்கத்தில் சூர்யா-கார்த்தி

பழம்பெரும் நடிகர் சிவகுமாரின் திரையுலக வாரிசுகளான சூர்யா, கார்த்தி ஆகிய இருவரையும் இணைத்து ஒரு படத்தை இயக்க பல இயக்குனர்கள் முயன்று வரும் நிலையில் இந்த முயற்சியில் கிட்டத்தட்ட வெற்றி பெற்றுவிட்டார் பிரபல இயக்குனர் பாண்டிராஜ்,

ஆம், சூர்யாவின் 2D எண்டர்டெயின்மெண்ட் நிறுவனம் தயாரிக்கும் படத்தில் கார்த்தி முக்கிய வேடத்தில் நடிக்கவுள்ளதாகவும், இந்த படத்தை பாண்டிராஜ் இயக்கவுள்ளதாகவும் தகவல்கள் வெளிவந்துள்ளது. இந்த படத்தில் முன்னணி நடிகை ஒருவர் கார்த்திக்கு ஜோடியாக நடிக்கவுள்ளதாகவும், இந்த படத்தின் சிறப்பு தோற்றத்தில் சூர்யாவும் நடிக்க வாய்ப்பு இருப்பதாகவும் கூறப்படுகிறது.

கார்த்தி தற்போது ‘தீரன் அதிகாரம் ஒன்று’ என்ற படத்தில் நடித்து வருகிறார். மேலும் அவர் விஷாலுடன் ‘கருப்பு ராஜா வெள்ளை ராஜா’ படத்திலும் நடிக்கவுள்ளார். இந்த இரண்டு படங்களின் படப்பிடிப்பு முடிந்தவுடன் இந்த படத்தின் படப்பிடிப்பு தொடங்கும் என்று கூறப்படுகிறது.