குறிச்சொல்: d.imman

சிவகார்த்திகேயன் நடிப்பில் மோகன்ராஜா இயக்கத்தில் உருவான 'வேலைக்காரன்' திரைப்படம் வரும் ஆயுதபூஜை திருநாளில் பிரமாண்டமாக வெளியாகவுள்ளது. இந்த நிலையில் அவர் தற்போது பொன்ராம் இயக்கத்தில் பெயரிடப்படாத ஒரு படத்தில் நடித்து வருகிறார். சிவகார்த்திகேயனுடன் முதல்முறையாக சமந்தா ஜோடியாக நடிக்கும் இந்த படத்தில் நெபோலியன், சிம்ரன் ஆகியோர் சிறப்பு தோற்றத்தில் நடிக்கவுள்ளனர். இந்த நிலையில் இந்த படத்தின் பாடல் கம்போஸ் பணிகளை இசையமைப்பாளர் டி.இமான் இன்று முதல் தொடங்கியுள்ளார். இந்த தகவலை டி.இமான் தனது டுவிட்டரில் உறுதி செய்துள்ளார். ஏற்கனவே இதே கூட்டணியில் உருவான 'வருத்தப்படாத வாலிபர் சங்கம்' மற்றும் 'ரஜினிமுருகன்' ஆகிய படங்களுக்கும் டி.இமான் தான் இசையமைத்திருந்தார் என்பது குறிப்பிடத்தக்கது.