pm modi :  பிரதமர் மோடி வரும் போதெல்லாம் ‘கோ பேக் மோடி’ (#gobackmodi) என்று டுவிட்டரில் டிரெண்ட் செய்து வந்தவர்கள் இந்த முறை கொஞ்சம் வித்தியாசமாக அதை விட மோசமாக டுவிட்டரில் டிரெண்டிங் செய்துள்ளனர்.

சென்னையில் பாஜகவின் மாபெரும் பிரச்சார பொதுக்கூட்டத்தில் கலந்து கொள்வதற்காக பிரதமர் நரேந்திர மோடி இன்று தமிழகம் வருகிறார்.

சென்னையில் வண்டலூர் அருகே உள்ள கிளாம்பாக்கத்தில் பாஜக கூட்டணி சார்பில் இன்று மாலை பிரம்மாண்டமான பொதுக்கூட்டம் நடைபெற இருக்கிறது.

இந்த கூட்டம் மாலை 3.30 மணிக்கு தொடங்கும். பிரதமர் மோடி 4 மணிக்கு இதில் கலந்து கொள்வார். இதில் பாஜகவுடன் தமிழக கூட்டணி கட்சிகளும் மேடை ஏற
இருக்கிறார்கள். இந்த கூட்டத்தில் விஜயகாந்த் கலந்து கொள்வார் என எதிர்பார்க்கப்படுகிறது.

பிரதமர் மோடி வரும்போதெல்லாம் கருப்புக் கொடி போராட்டம் நடத்தும் வைகோ இந்த முறை கருப்புக்கொடி போராட்டம் நடத்தப் போவதில்லை என அறிவித்துள்ளார்.

கடந்த 40 நாட்களில் நான்காவது முறையாக தமிழகம் வரும் பிரதமர் மோடியை ஒவ்வொரு முறையும் கோ பேக் மோடி என டிரெண்ட் செய்து பாஜகவினரை கடுபபேற்றி வந்தனர்.

இந்நிலையில் இந்த முறை கோ பேக் மோடி ஹேஷ்டேக் டிரெண்ட் ஆகவில்லை. அதைவிட மோசமாக டுவிட்டரில் ஒரு வரியை டிரெண்ட் செய்துள்ளனர். இதனால் பாஜகவினர் கடும் கோபத்தில் இருக்கின்றனர்.

பிரதமர் நரேந்திர மோடி தமிழகம் வரும்போதெல்லாம், சமூக வலைதளங்களில் மோடி கோ பேக் என ஹாஷ்டாக் மூலம் டிரெண்டிங் செய்யப்படுவது வழக்கமாக உள்ளது. இது தொடர்பாக மேற்கொள்ளப்பட்ட ஆய்வில், தமிழகத்தில் இருந்து டிரெண்டிங் செய்பவர்கள் 2 சதவீதத்தினர் மட்டுமே என்றும், 58 சதவீதம் பாகிஸ்தானில் இருந்து டிரெண்டிங் செய்யப்படுவதாகவும் துக்ளக் இதழ் தெரிவித்துள்ளது.  இதனை மேற்கோள்காட்டி, ஹெச்.ராஜா அந்நிய நாட்டு கைக்கூலிகளின் சதி என இந்த டிரெண்டிங் செயலை விமர்சித்துள்ளார்.