TTV Dinakaran – பல வாக்குச்சாவடிகளில் அமமுகவின் போட்ட ஒட்டுக்கள் கணக்கிலேயே வரவில்லை என டிடிவி தினகரன் குற்றம் சாட்டியுள்ளார்.

ஆர்.கே.நகரில் சுயேட்சையாக போட்டியிட்டு வெற்றி பெற்ற டிடிவி தினகரன் அமமுக கட்சியை தொடங்கி இந்த போட்டியில் 38 மக்களவை தொகுதியிலும், 22 சட்டமன்ற தொகுதிகளிலும் வேட்பாளர்களை நிறுத்தினார். சில இடங்களில் வெற்றி பெறுவோம். பல தொகுதிகளில் அதிமுகவின் ஓட்டை பிரித்து அக்கட்சியை தோற்கடித்து ஆட்சியை கழிப்போம் என தினகரன் கணக்கு போட்டார்.

இதையும் படிங்க பாஸ்-  ஆண்களுக்கு மாதம் 10 லிட்டர் பிராந்தி - இவருக்கே எங்கள் ஓட்டு!

ஆனால், தேர்தல் முடிவுகள் அவருக்கு எதிராகவே இருந்தது. எந்த தொகுதியிலிம் அமமுக வேட்பாளர்கள் வெற்றி பெறவில்லை. பல தொகுதிகளில் அக்கட்சியை விட நாம் தமிழர் மற்றும் மக்கள் நீதி மய்யம் அதிக வாக்குகளை பெற்றது.

இதையும் படிங்க பாஸ்-  உதயநிதிக்கு இளைஞரணி பதவி - நெருக்கடியில் ஸ்டாலின்

இந்நிலையில், இன்று காலை செய்தியாளர்களிடம் பேசிய தினகரன் ‘300க்கும் மேற்பட்ட வாக்குச்சாவடிகளில் அமமுகவிற்கு ஒரு ஓட்டு கூட பதிவாகவில்லை எனத் தெரியவந்துள்ளது. வாக்குச்சாவடிகளில் அமமுக முகவர்கள் 4 பேராவது இருப்பார்கள். அவர்கள் போட்ட 4 ஓட்டு கூட கணக்கில் இல்லை எனில் ஏதோ தவறு நடந்திருக்கிறது. இதுபற்றி தேர்தல் ஆணையம்தான் பதில் சொல்ல வேண்டும்’ என அவர் புகார் கூறியுள்ளார்.