Vijay fan sucide – தொலைக்காட்சியில் விஜய் நடித்த பட பாடல்களை பார்க்க விடாமல் சகோதரனும், சகோதரியும் ரிமோட்டை பிடுங்கியதில் ஏற்பட்ட தகராறில் வாலிபர் ஒருவர் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.

சென்னை கோட்டூர்புரம் வரதராஜபுரம் பகுதியில் வசித்து வருப்வர் பெய்லி சில்வன். இவர் கல்லூரியில் 2ம் ஆண்டு படித்து வருகிறார். இவர் நடிகர் விஜயின் தீவிர ரசிகர் ஆவார். கடந்த 25ம் தேதி அவர் வீட்டில் தொலைக்காட்சியில் விஜய் பட பாடல்களை பார்த்துக் கொண்டிருந்தார். அப்போது, அவரது சகோதரியும், சகோதரனும் தங்களுக்கு பிடித்த சேனல்களை மாற்ற சொல்லியுள்ளனர்.

இதில் அவருக்கும், அவர்களுக்கும் வாக்குவாதம் ஏற்பட்டது. இதில் ஆத்திரமடைந்த பெய்லி ரிமோட்டை கீழே போட்டு உடைத்து விட்டு வீட்டை விட்டு சென்றுவிட்டார். அதன்பின் அவர் வீடு திரும்பவில்லை. நண்பர்கள் வீட்டிற்கும் செல்லவில்லை. இதனால், அவரின் பெற்றோர் கலக்கம் அடைந்தனர்.

அதன்பின் வீட்டின் மாடியில் உள்ள அறைக்கு சென்று பார்த்தனர். கதவு உட்பக்கம் தாழிட்டிருந்தது. எனவே, கதவை தட்டியுள்ளனர். ஆனால், அவர் திறக்கவே இல்லை. அதன்பின் கதவை உடைத்துக்கொண்டு உள்ளே சென்றனர். அங்கே அவர் தூக்கிட்டு தற்கொலை செய்து கொண்டதை கண்டு அதிர்ச்சியில் உறைந்தனர்.

இதுபற்றி கோட்டூர்புரம் போலீசாருக்கு தகவல் கொடுக்கப்பட்டது. விஜய் பட பாடல்களை பார்க்க விடாமல் தடுத்ததற்காக அவரின் ரசிகர் தற்கொலை செய்து கொண்ட விவகாரம் அந்த பகுதியில் அதிர்ச்சியை ஏற்படுத்தியுள்ளது.