Actor Vishal : ஒரு புதிய திரைப்பட படப்பிடிப்பில் நடிகர் விஷால் விபத்தில் சிக்கி காயமடைந்துள்ளார். அது தொடர்பான புகைப்படங்களும் வெளியாகியுள்ளது.

நடிகர் விஷால் தற்போது சுந்தர் சி. இயக்கும் புதிய அப்டத்தில் நடித்து வருகிறார். இப்படத்தின் படப்பிடிப்பு துருக்கி நாட்டில் 50 நாட்கள் நடத்த படக்குழு திட்டமிட்டது. அதன்படி விஷால் உள்ளிட்ட படக்குழுவினர் கடந்த வாரம் துருக்கி புறப்பட்டு சென்றனர்.

இதையும் படிங்க பாஸ்-  தயாரிப்பாளர் சங்கத்திற்கு போட்டியாக புதிய சங்கமா? அதிர்ச்சியில் விஷால்

அங்கு கேப்படோசியா எனும் இடத்தில் உள்ள மலைப்பகுதியில் வில்லன்களுடன் விஷால் மோதும் காட்சிகள் படம்பிடிக்கப்பட்டது. காரில் செல்லும் வில்லன் அடியாட்களை 4 சக்கர வெளிநாட்டு பைக்கில் விஷால் துரத்தி செல்வது போன்ற காட்சி எடுக்கப்பட்டது. அப்போது, வேகமாக சென்ற பைக் கட்டுப்பாட்டை இழந்து ஓடியதில் விஷால் தூக்கி எறியப்பட்டார். இதில், கை மற்றும் காலில் அவருக்கு காயம் ஏற்பட்டது. உடனடியாக அவர் மருத்துவமனையில் அனுமதிக்கப்பட்டார்.

இதையும் படிங்க பாஸ்-  மிரட்டலான தோரணையில் விஷாலின் அயோக்யா பர்ஸ்ட்லுக்!!

அங்கு அவருக்கு சிகிச்சை அளிக்கப்பட்டது. ஆனால், அதிர்ஷ்டவசமாக அவருக்கு எழும்பு முறிவு ஏற்படவில்லை. எனவே, சில நாட்கள் அவர் ஓய்வெடுக்க வேண்டும் என மருத்துவர்கள் அறிவுறுத்தியதால் படப்பிடிப்பு ரத்து செய்யப்பட்டது. எனவே, சில நாட்கள் விஷால் அங்கேயே தங்கி படப்பிடிப்பு முடித்துக்கொடுப்பார் எனக்கூறப்படுகிறது.