லிங்குசாமியின் இயக்கத்தில், தயாரிப்பாளர் விஷால் நடிப்பில் உருவாகியிருக்கும் படம் ‘சண்டக்கோழி 2’. ‘இரும்புத்திரை’,’துப்பறிவாளன்’ ஆகிய படங்களின் வெற்றிக்கு பிறகு விஷால் நடித்திருக்கும் படம் இதுவாகும்.

‘சண்டக்கோழி 2’ திரைப்படத்தின் இசை வெளியீடு வரும்செப்டம்பர் 24-ஆம் தேதி படக்குழு வெளியிட உள்ளது.

கடந்த 2005-ல் வெளியான ‘சண்டக்கோழி’ திரைப்படத்தின் இரண்டாம் பாகமாக இந்த படம் உருவாகியுள்ளது. இப்படத்தில், விஷாலுக்கு ஜோடியாக கீர்த்தி சுரேஷ் நடித்துள்ளார். வில்லியாக வரலட்சுமி சரத்குமார் நடித்துள்ளார்.

தற்போது நடிகர் விஷால், ‘சண்டக்கோழி 2’ படத்தின் இசை வெளியீடு தேதி குறித்த அறிவிப்பினை வெளியட்டார். இதன்படி இப்படத்தின் இசை வெளியீடு வருகிற செப்டம்பர் 24-ஆம் தேதி நடைபெற உள்ளது. முன்னதாக, யுவன் சங்கர் ராஜா
இசையமைப்பில் உருவாகியுள்ள ‘கம்பத்து பொண்ணு’ பாடலை படக்குழு வெளியிட்டது.

இதையடுத்து, வரும் செப் 24-ஆம் தேதி இப்படத்தின் மொத்த பாடல்களையும் படக்குழு வெளியிட உள்ளது. இந்த படம் வரும் அக்டோபர் 18-ஆம் தேதி திரைக்கு வர உள்ளதால் ரசிகர்கள் மிகுந்த கொண்டாட்டத்தில் உள்ளனர்.