உயிர் பெறுகிறது ‘விஸ்வரூபம் 2’. கமல் ரசிகர்கள் கொண்டாட்டம்

02:52 மணி

உலக நாயகன் கமல்ஹாசன் பல்வேறு பிரச்சனைகளை சந்தித்து வெளியிட்ட திரைப்படம் ‘விஸ்வரூபம்’. கடந்த 2013ஆம் ஆண்டு அன்றைய முதல்வர் ஜெயலலிதாவே வலியவந்து பேட்டி கொடுக்கும் அளவுக்கு இந்த படத்தின் பிரச்சனை தீவிரமாகியது. பிரச்சனை உச்சத்தில் இருந்தபோது நாட்டைவிட்டே வெளியேறுவேன் என்று கமல் கூறியதும் பரபரப்பை ஏற்படுத்தியது.

Loading...

இந்த நிலையில் நீண்ட காலமாக கிடப்பில் போடப்பட்டிருந்த இந்த படத்தின் இரண்டாம் பாகமான ‘விஸ்வரூபம் 2’ வெளிவருமா? வெளிவராதா? என்று இருந்த நிலையில் தற்போது இந்த படம் உயிர் பெறுகிறது.

ஆம், இன்று முதல் இந்த படத்தின் போஸ்ட் புரடொக்ஷன்ஸ் பணிகள் தொடங்கிவிட்டதாக கமல் தரப்பில் இருந்து செய்தி வெளிவந்துள்ளது. மேலும் இன்று முதல் இந்த படத்தின் டப்பிங் பணிகளும் தொடங்கவுள்ளதாகவும், முதல்கட்டமாக கமல் அதனையடுத்து ஆண்ட்ரியா, பூஜாகுமார் உள்பட வரிசையாக ஒவ்வொருவரும் டப்பிங் செய்ய உள்ளனர்.

கடந்த 2016ஆம் ஆண்டில் கமல் கவுரவ வேடத்தில் நடித்த ‘மீன் குழம்பும் மண்பானையும்’ என்ற படம் மட்டுமே ரிலீஸ் ஆனது. ‘சபாஷ் நாயுடு’ படமும் தாமதமாகி வரும் நிலையில் இன்னும் ஓரிரு மாதங்களில் ‘விஸ்வரூபம் 2’ படம் வெளிவர வாய்ப்பு இருப்பதால் கமல் ரசிகர்கள் கொண்டாட்டம் அடைந்துள்ளனர்.

(Visited 15 times, 1 visits today)
The following two tabs change content below.
பிரிட்டோ

பிரிட்டோ

பத்திரிக்கை நிருபராக இந்த வலைதளத்தில் பணியாற்றுகிறார். சினிமா தொடர்பான அனைத்து நிகழ்ச்சிகளுக்கும் நேரில் சென்று பார்வையிட்டு சம்பவ இடத்திலிருந்தே செய்திகள் மற்றும் புகைப்படங்களை உடனுக்குடன் தளத்தில் பதிவேற்றம் செய்கிறார். நிருபர் பணியில் இவர் தமிழில் முன்னனி செய்தி தொலைக்காட்சிகளில் பணியாற்றிய அனுபவம் உள்ளவர் தொடர்புகொள்ள- 9600729393